Idioma sardo

De Biquipedia

(Reendrezato dende Luenga sarda)

Sardo (Sardu)

Altras denominazions:	{{{altrasdenominazions}}}
Parlato en:	Zerdeña (Italia)
Territorios:	Europa.
Parladors: Luenga materna: Altros:	1.350.000 - -
Clasificazión:	{{{clasificazión}}}
Filiazión:	Indoeuropeya Italica Romanica Sardo
Estatus ofizial
Luenga ofizial en:	Zerdeña
Regulato per:	-
Codigos de a luenga
ISO 639-1	sc
ISO 639-2	srd
SIL	srd
Se beiga tamién: Filo indoeuropeu

O sardo (sardu) ye una luenga romanze ozidental charrata en Zerdeña (Italia) por 1.350.000 presonas. Comparte carauteristicas, sopre tot, con as luengas romanzes ibericas, antimás con o italián. Ye considerata una d'as luengas romanzes més arcaicas, porque ha conserbatas as bocals breus i y u latinas, as que en altras luengas romanzes se conbirtioron en e y o.

[editar] Dialeutos

A luenga sarda se dibide en cuatro prenzipals bariedaz:

Arborés, en a parte centro-occidental y en a norte d'o Campidano
Campidanés, en a parte meridional d'o Campidano
Logudorés, charrato n'o zentro-norte d'a isla n'a rechión d'o Logudoro
Nugorés, en a parte zentro-oriental

[editar] As suyas carauteristicas més importans

Sistema bocalico de 5 bocals (como en castellán): a, e, i, o, u, reduziendo-se en posizión atona á tres (a, i, u) en a mayoria d'os dialeutos.
Conserbazión d'as bocals breus i y u latinas: DIGITUS > didu ('dedo').
Conserbazión en bellas parabras o sonido belar d'a C /k/ o G /g/ latinas: VOCEM > boghe.
Sonorizazión d'as consonans sordas interbocalicas (tamién as inizials en a fabla): VITA > bita /bída/ ('bida'), PAUCUS > pagu, IPSA CULTURA > sa curtura /sagurdúra/.
Betazismo: os sonitos /b/, /w/, /kw/, /gw/ inizials latinos pasoron á /b/: VERUS > beru, LINGUA > limba, QUATTUOR > batoro.
O grupo ll pasó a /dd/, un sonido espezial pronunziato con a punta d'a luenga en o punto més alto d'o paladar: FABULARI (> bulg. fallare) > faeddare
Os grupos inizials CL-, FL- y PL- latinos pasaron á cr-, fr-, pr-: CLAVE > crae, FLORE > frore, etc.
Conserbazión d'a t final d'os berbos (con bocal epentetica).
Adizión d'una bocal epentetica (amanata á la zaguera bocal d'a parabra) á la fin d'as parabras que rematan en consonant (ista bocal no aparexe en a escritura): est /ésti/ ('ye'), cantat /kántada/ ('canta'), sardos /sárduzu/, etc.
Bocal protetica an as palabras latinas que prenzipiaban con S+consonant: SCRIBERE > iscrìer.
L'articlo definito biene d'as formas d'o latín bulgar IPSO, IPSA, IPSOS, IPSAS > su, sa, sos, sas (en o dialeuto campidanés, o plural ye siempre is): su sardu, sos sardos (u is sardus), sa limba, sas limbas (u is limbas).

[editar] L'ortografia

O sardo no tien una ortografia unificata, por ixo una palabra puet tener barias formas escritas (por exemplo: bita, vita, bida, vida, pero a pronunziazión ye siempre a mesma: /bída/.)

[editar] Exemplo

D'a Declarazión Unibersal d'os Dreitos Umans:

Totu sos èsseres umanos naschint lìberos e eguales in dinnidade e in deretos. Issos tenent sa resone e sa cussèntzia e depent operare s'unu cun s'àteru cun ispìritu de fraternidade.

Pronunziazión:

/Tótu-zuz-éssiriz-umánuzu náskinti líberuz-e iguáliz-in dinnidadi e in derétuzu. Íssuzu téninti-za rezóni e-za-gusséntsia e débinti operári z'unu cun s'áteru cun ispíritu de fraternidádi/

Ista luenga tien a suya mesma Wikipedia. Puez besitar-la y contrebuyir en Wikipedia en Idioma sardo.

Luengas romanzes
Aragonés \| Arrumán \| Arpitán \| Asturlionés \| Benezián \| Balón \| Borgoñón \| Catalán \| Corso incluyendo lo gallurés \| Campañés \| Chodigoespañol \| Dalmata \| Dgèrnésiais \| Español \| Franc-Comtois \| Franzés \| Friulán \| Gallego \| Galó \| Istriota \| Istrorrumán \| Italián \| Jèrriais \| Ladín \| Ligur \| Lombardo \| Lorrain \| Meglenorrumán \| Napolitán \| Normando \| Oczitán incluyendo l'aranés \| Picardo \| Piemontés \| Petabín-Santonchés \| Portugués \| Rumanch \| Rumán \| Sasarés \| Sardo \| Sezilián \|