Lonchitut (cheografía)

De Biquipedia
Ir ta: navego, busca
Mapa d'a Tierra amostrando linias verticals de lonchitut.

A lonchitut ye a distancia angular, medita paralelament a lo plan d'o Equador terrestre, entre o Meridián de Greenwich y un determinato punto d'a Tierra.

Existen diferents trazas d'expresar a lonchitut:

  • entre -180 y 180 º, estando positiva ta l'este u negativa ta l'ueste (ye dicir, dende 0° en o Meridián de Greenwich dica +180° a l'este u dica −180° a l'ueste).
  • entre 0 e 180° adhibindo a letra E si ye a l'este de Greenwich y W si ye a l'ueste.
  • entre 0 e 360° meditos siempre a l'este de Greenwich.

Por eixemplo, a lonchitut d'a ciudat de Moscú puede expresar-se como +37°37′56", 37°37′56″E u 37°37′56″ ya que se troba a l'este de Greenwich. A lonchitut de Nueva York puede expresar-se como -74°00′00", 74°00′00" W u 286°00′00" ya que se troba a l'ueste de Greenwich.