Loís I o Piadoso

De Biquipedia
(Reendrezau dende Loís I lo Piadoso)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Loís I o Piadoso
Rei de los Francos, Rei d'Aquitania y Emperador d'Occident


Rei de los francos
13 de setiembre de 813 - 840
Coronación En Aquisgrán por Carlos Magno
Predecesor Carlos Magno
Succesor Loís II (en Francia Oriental), Lotario I (en Francia Meyana), Carlos II (en Francia Occidental)
Dinastía Carolinchios
Pai Carlos Magno
Mai Hildegarda de Vintzgau

Loís I lo Piadoso u Ludovico Piu estió un fillo de Carlos Magno que heredó los suyos títols de "Rei de los Francos" lo 13 de setiembre de 813 y "Emperador d'Occident" lo 28 de chinero de 814, y pa qui enantes heba creyau lo títol de "Rei d'Aquitania" en l'anyo 781. Naixió l'anyo 778 de Cassinogilum (actual Chasseneuil-du-Poitou, Francia) y murió lo 20 de chunio de 840 en Ingelheim.

Consintió que lo papa Esteban IV lo coronás en Rems en 816-817, lo que significaba que la dignidat imperial l'atorgaba unicament lo Pontífiz romano. En 817 la Ordenatio Imperii estableix que la dignidat imperial siga heredada por lo primochenito suyo Lotario y los atros fillos Pepín y Loís lo Chermanico hereden como subordinaus a l'emperador lo Reino d'Aquitania y Bavera. En esta ordinación se diz que no bi habrá atras divisions. Manimenos en l'anyo 829 Ludovico Piu no cumple este principio y creya lo "Reino d'Alamania" pa su atro fillo Carlos lo Calvo, lo que fará que se produga la rebelión de Pepín, Loís y Lotario en l'anyo 830.[1]

En l'anyo 833 se produce atra revuelta de sus fillos cuan Ludovico Piu tiró la sobiranía d'Aquitania a Pepín, pero en Lügenfeld las tropas de Ludovico Piu cambian de bando y sus fillos lo destronan, tornando-li la corona dimpués temendo que Lotario augmentás muito lo suyo poder.

Mencions en fuents aragonesas y navarras[editar | modificar o codigo]

Lo mencionan en lo "Liber Regum":

[C]harle Magne ouo dos fillos: [e]l rei Lodois [e]t el otro Lois, qui fo emperador de Roma. [E]l rei Lodois ouo fillo a Cario Caluo. [E]l rei Charlo Caluo ouo fillo a Lodois el segundo. [E]st rei Lodois ouo fillo a Charle el Simple. [E]l rei Charle el Simple ouo fillo a Lodois el tercero. [E]st rei Lodois ouo fillo a Clotario.

Tamién en la "Cronica de los Conquiridors":

Et asi los romanos por mano del papa Leo(n) fizieron vntar a Karles Emp(er)ador et lo no(m)braro(n) Cesar et augusto et loharon et aprouaron la ordenacio(n) fecha de sus fillos / es a saber Karles Rey de Germania et Pipino Rey de Ytalia / et Loys de Equitania.

Especialment como rei d'Aquitania embrecau en campanyas en lo que sería la Gotia u la Marca Hispanica:

Et Loys el menor delos fillos del Emp(er)ador el qual era varon de gra(n)t ardideza / et marauelloso guerrero Rey de Eq(u)itania libero con muchas et g(r)ieues batallas de poder delos moros Barcelona et Tortosa et muchas otras ciudades de Cathaluenya Et ap(re)s discorriendo por espanya et por Gallicia co(m)batio bien aue(n)turadament contra los moros / a muchos delos quales o los mato / o los fizo t(r)ibutarios. Et sobre la Ciudat de Gerona mato et destruyo muyt grandes companyas delos moros con lur Rey Derama(n) et p(r)iso por fuerça la ciudat que era seyda luengame(n)t asitiada / et todos los moros qui no(n) se q(u)isieron baptizar fizo los matar Et ap(re)s destruyo con Jncredible destruction a Almançor de Cordoua con infinitos moros sobre Pamplona / Et sobro et vincio enlas yslas de Mallorcas al Rey de Marruecos et al Rey de Bucia asi por la batalla de t(ie)rra Como de mar con Jnnumerable multitut de moros.

Referencias[editar | modificar o codigo]

  1. Hermann Kinder y Werner Hilgemann Atlas histórico mundial. Ediciones Itsmo.pp133