Livos
| Livos | ||||||
|---|---|---|---|---|---|---|
|
|
||||||
|
|
||||||
|
|
||||||
|
|
||||||
|
|
||||||
|
||||||
|
|
||||||
| Livo y letón | ||||||
|
|
||||||
| Luteranismo | ||||||
|
|
||||||
| estons, ingrians, votos, vepsos | ||||||
|
|
||||||
 |
||||||
Os livos habitan a part més occidental de Letonia. Se calcula que os livos son menos de 5.000 individuos. Parlan una luenga uralica propia d'a branca finesa quasi desaparexita y son cristians luterans.
Luenga [editar]
-
Ta mas información, se veiga l'articlo prencipal sobre idioma livo.
A luenga liva s'escribe dende o sieglo XIX y retaculó muito debant d'o letón. Quedando poquismos parlants. Dende a independencia de Letonia o gobierno ha empentato prochectos d'amostranza y recuperación pa evitar a inercia d'o proceso de rusificación que se produció dimpués d'a segunda Guerra Mundial. Chunto con l'aragonés ye una d'as luengas en mayor periglo de desaparición en Europa, pero a situación d'o livo ye muito més precaria.
Historia [editar]
Os livos actuals son os zaguers restos d'un pueblo antigament muito més numeroso y estendillato. En a Edat Meya tenioron una expansión dica Kurishes Haff. O territorio de Livonia, que correspondeba a la metat sur d'a Estonia actual a a la metat norte de Letonia prene nombre d'os Livos, que lo compartiban con atros pueblos finicos y baltos. Este territorio fue conquiesto por os Caballers Portaespatas, que dimpués s'adhibioron a la Orden Teutonica. Os livos y atros pueblos autoctonos estioron en a subchección d'os nobles d'a tierra alemans dica 1919, quan fue abolita a servitut.
Letonia fue ocupata por o Exercito Royo Sovietico y en 1940 os livos fuoron obligatos a abandonar lur tierra, quedando ixemenatos. A zona d'os livos yera vedata pa os letons. Huei os pocos livos que quedan se restrinchen a la punta norte de Letonia.
O 4 de febrero de 1992 o gobierno letón encomenzó a executar o prochecto de creyación d'o territorio cultural protechito de Līvõd rānda u "Costa Livoniana" a man de Mazirbe que incluye as dotze principals localidatz livas: Lūžņa (livo: Lūž), Miķeļtornis (Pizā), Lielirbe (Īra), Jaunciems (Ūžkilā), Sīkrags (Sīkrõg), Mazirbe (Irē), Košrags (Kuoštrõg), Pitrags (Pitrõg), Saunags (Sǟnag), Vaide (Vaid), Kolka (Kūolka), y Melnsils (Mustānum).
Bibliografía [editar]
- Amiram Gonen, DICCIONARIO DE LOS PUEBLOS DEL MUNDO. 1996 Anaya&Mario Muchnik.
