Linia Jireček

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A linia de Jireček.

A Linia de Jireček ye una linia imachinaria sobre os antigos Balcans que dividiba as zonas d'influencia d'o latín, en o norte, y d'a luenga griega, en o sud, dica o sieglo IV. Partiba dende amán d'a ciudat de Laçi en l'actual Albania, dica Serdica (agora Sofiya, en Bulgaria) dica a mar Negra.

O trazato d'a linia ye basato en datos arqueolochicos: a mayor parte d'as inscripcions trobatas a o norte d'ella yeran escritas en latín, mientres que en as trobatas a o sud l'idioma predominant ye o griego.

Ista linia ye important ta establir o lugar a on os pueblos rumano y arrumano se formoron, ya que se considera improbable que un pueblo latino se formase a o suyo sud.

Fue usata orichinalment por o historiador checo Konstantin Jireček en 1911 en una historia d'os pueblos eslaus.

Veyer tamién[editar | modificar o codigo]

Bibliografía[editar | modificar o codigo]

  • Jireček, Konstantin, Geschichte der Serben, Gotha, 1911.
  • Kaimio, Jorma, The Romans and the Greek Language, Commentationes Humanarum Litterarum.