Linia Jireček

De Biquipedia
Ir ta: navego, busca
A linia de Jireček.

A Linia de Jireček ye una linia imachinaria sobre os antiguos Balcans que dividiba as arias d'influencia d'o latín, en o norte, y d'a luenga griega, en o sud, dica o sieglo IV. Partiba dende amán d'a ciudat de Laçi en l'actual Albania, dica Serdica (agora Sofiya, en Bulgaria) dica a mar Negra.

O trazato d'a linia ye basato en datos arqueolochicos: a mayor parte d'as inscripcions trobatas a o norte d'ella yeran escritas en latín, mientres que en as trobatas a o sud o idioma predominant ye o griego.

Ista linia ye important ta establir o lugar a on os pueblos rumán y arrumán se formoron, ya que se considera improbable que un pueblo latino se formase a o suyo sud.

Fue usata orichinalment por o historiador checo Konstantin Jireček en 1911 en una historia d'os pueblos eslavos.

Veyer tamién[editar | editar código]