Lincoln Near-Earth Asteroid Research

De Biquipedia
Ir ta: navego, busca

LINEAR (Lincoln Near-Earth Asteroid Research) ye un programa scientifico de localización y control d'asteroides, conchunto ta tot o planeta, y o suyo obchectivo ye localizar y fer prediccions sobre o riesgo de colisión d'un asteroide con a Tierra. Ye un programa conchunto entre a NASA, o Exercito d'os Estatos Unitos (United States Air Force) y o Laboratorio Lincoln d'o MIT. O suyo prencipal observatorio astronomico ye situato en Nuevo Mexico, en o disierto, luent de qualsiquier aria urbana, premitindo-le asinas cosirar o espacio sin que estorben as luces d'as ciudatz por contaminación luminica.

En a suya plantilla bi ha astronomos, cheologos, melitars, matematicos y tamién incheniers. Actualment, o Gubierno d'os Estatos Unitos destina 4 millons de dólars estatounitenses ta la investigación d'os asteroides que pueden estar periglosos ta la Tierra. Se calcula que s'ha trobato arredol d'o 60% d'os asteroides amanatos a la Tierra, y que denguno d'ells no ye perigloso. Sindembargo, no se conoixen as caracteristicas d'o 40% d'asteroides que encara no han estato detectatos.

Vinclos externos[editar | editar código]