Leon

Leon Bro-Leon
Provincia de Bretanya
Bandera Escudo
A provincia de Leon en Bretanya
Capital	Kastell-Paol
Entidat  • Estato  • País	Provincia Francia Bretanya
Superficie  • Total	2.019 km²
Población  • Total	405.089 hab. (1999)
Creyación	865

Leon (Bro-Leon en bretón, pays de Léon en francés) ye una d'as provincias de Bretanya, que estió d'antis mas un vizcondato, un condato, un bispato, una baronía, una bailía y una provincia fiscal.

A suya muga occidental ye o río Dosenn (río Morlaix en francés), que a desepara d'a provincia de Treger; a o sud o Menez Are y o río Elorn, que la deseparan d'a redolada de Kerne; a l'ueste a mar Celta; y a o norte a canal d'a Manga. Istas mugas son as antigas mugas d'o bispato de Leon, con tres arcedianatos, que hue son as tres comarcas d'ista provincia (Gorre-Leon, Goueled-Leon y Bagan), encara que administrativament as mugas d'o dro yeran mas enta o sud.

Leon yera tamién una d'as siet baronías de Bretanya ta os Estatos Chenerals de Bretanya, l'Asambleya lechislativa bretona antis d'a Revolución francesa. Estió o feudo principal d'a familia d'os Rohan (uno d'os principals linaches bretons, con o linache de Clisson y o linache de Laval), que se tituloron impropiament prencipes de Leon, encara que Leon no estiese un prencipato.

Se veiga tamién

• Lista de localidatz de Leon

Vinclos externos

• (fr) Lista de localidatz de Leon.
• (br) Lista de localidatz de Leon.