Leigh Nash

De Biquipedia
Ir ta: navego, busca
Leigh Nash
Leigh Nash-2.jpg
Información personal
Nombre
Embotada
Naixió 27 de chunio de 1976 Flag of the United States.svg New Braunfels (Texas)
Murió
Información musical
Orichen
Estilo Pop, Indie, Pop Rock, Soft rock, Adult Alternative
Ocupancia Cantaire
Instrumentos
Tiempo 1993 - ...
Discograficas
Relacionato con Sixpence None the Richer
Fauxliage
Delerium
Pachina web Leigh Nash Music

Leigh Bingham Nash (27 de chunio de 1976) ye una cantautora d'Estatos Unitos, líder d'a colla de rock Sixpence None the Richer[1] y miembro de Fauxliage y Movement Nashville.

O suyo primer álbum en solitario, Blue on Blue, amaneixió lo 15 d'agosto de 2006.

Biografía[editar | editar código]

Os primes anyos[editar | editar código]

Leigh Anne Bingham naixió de New Braunfels, Texas. Prencipió a cantar y tocar viellas cantas de musica country con a suya guitarra quan teneba dotze anyos. Mientres muitos anyos actuó en cafés locals cantando en solitario u con diferents grupos. En primerías d'os anyos 1990 conoixió a lo guitarrista y compositor Matt Slocum en a salita d'a ilesia.

Carrera musical[editar | editar código]

Os dos formoron Sixpence None the Richer poco dimpués, gravando un total de quatre álbums con o grupo. O primer disco, que amaneixió quan Leigh teneba 16 anyos, se deciba The Fatherless & the Widow. L'álbum tenió buenas creticas, asinas que Slocum y Nash decidioron de buscar nuevos miembros ta o suyo grupo.[2]

Asinas ye como troboron a Tess Wiley, Dale Baker, y J.J. Plascencio. A nueva colla gravó This Beautiful Mess, que ganó lo Premio Dove a lo millor álbum. Wiley salió d'a colla dimpues d'a suya chira por os Estatos Unitos y o grupo quitó lo suyo disco Tickets for a Prayer Wheel, sinyando con a companyía discografica Squint Records dimpués d'a desaparición de REX.[3]

L'álbum eponimo d'o grupo salió en 1997 y o single "Kiss Me" en 1999. En 1999 recullioron quantos Premios Dove, incluindo Millor Artista de l'Anyo. A colla tamién fue nominata a los Premios Grammy. Y allora plegoron o segundo single There She Goes, que tornó a estar un exito de vendas, y o tercero I Can't Catch You.

En 2000, Nash cantó a canta Need to Be Next to You ta la cinta Bounce t'agradeixer a Miramax que hese emplegato "Kiss Me" en a cinta She's All That, feito que les fació famosos. Escrito por Diane Warren, se convirtió en o primer single en solitario de Nash.

Dimpués de bells problemas con a suya companyía discografica, Sixpence None the Richer tornó en 2001 con l'álbum Divine Discontent dimpués de perder a dos d'os suyos miembros, Dale Baker y J.J. Plascencio. Os dos singles de l'álbum, "Breathe Your Name" y "Don't Dream It's Over", estioron en as listas d'exitos. Manimenos, Sixpence None the Richer anunció a suya disolución o 26 de febrero de 2004 a traviés d'una carta de Slocum a CCM Magazine. Dimpués d'isto, o grupo quitó una replega de grans exitos, The Best of Sixpence None the Richer, ta os suyos fans.

A tamas d'o gran exito que tenió lo grupo con cantas pop como "Kiss Me" y "There She Goes", tamién se veyó afectato por os desenfortunios d'o mercato y decidió disolver-se. Desorientatos por os grans cambeyos Nash y o suyo marito decidioron dixar la que heba estato a suya casa mientres diez anyos en Nashville y tresladar-sen enta Los Ángeles

Mientres os suyos anyos en Los Ángeles, Nash escribió un conchunto de cantas, que en zaguerías se convertirían en o suyo primer disco en solitario, Blue on Blue, que quitó a discografica One Son Records, discografica propiedat de Nash, en agosto de 2006. Mientres a gravación de Blue on Blue, Nash viachó a Canadá quantas ocasions. O primer single, "My Idea Of Heaven", apareixió por primera vegata en as radios d'Estatos Unitos en a semana d'o 14 de chulio de 2006. D'atra man a canta "Ocean Size Love", que teneba que haber estato teoricament o segundo single, nomás apareixió como promocional. Amás Leigh tamién gravó en iste mesmo anyo a canta Mirrors and Smoke con a colla Jars of Clay aintro d'o suyo álbum Good Monsters.

Tan y mientres, Nash tornó a tresladar-se a Nashville, ciudat d'a musica, dentrando en una nueva comunidat de musicos, recientment constituita como grupo de rock, dita Movement Nashville. O grupo mira de quitar a ideya de que a musica de Nashville se limita a la musica cristiana u country.

En 2007, Nash prencipia un nuevo prochecto, Fauxliage, con o grupo canadiense Delerium, apareixindo l'álbum o 14 d'agosto de 2007. D'atra man Nash, Megan Thompson y Kate York tamién creyoron un grupo de musica cristiana dito "Thompson, York & Nash", habendo treballato en bellas cantas publicatas en o suyo Myspace.[4] Manimenos, denguna d'as cantas que amaneixen en o MySpace han estato folmalment presentatas.

En zaguerías de 2007, Leigh y Matt se reunioron en una cafetería ta descutir sobre una posible reunificación de Sixpence None the Richer. En chinero de 2008 Nash biachó a Nueva Zelanda ta actuar en o festival anyal Parachute Music Festival. En as dos actuacions que fació en o scenario principal atrayió a más de 30.000 espectadors con os grans esitos de Sixpence None the Richer "Kiss Me" y "There She Goes". En agüerro de 2008, Leigh fació una chira con Delerium.

Dende allora Leigh s'ha reunito con Sixpence, habendo treballato en un nuevo disco My Dear Machine EP,[5] y en un especial de nadal The Dawn of Grace y habendo feito en 2008 chiras por os Estatos Unitos y Europa. Tess Wiley tamién tornó ta actuar en a chira europea de Sixpence.

Inspiración[editar | editar código]

Nash tien d'so principals fuents d'inspiración: a suya obra con Sixpence en a esfera d'a musica cristiana y a fascinación que tien dende nina por as artistas clasicas de country como Tanya Tucker, Loretta Lynn y Patsy Cline.

Fa tiempo, en a suya adolescencia, Nash cantaba cantas de Loretta Lynn y Tanya Tucker como "You Ain’t Woman Enough to Take My Man" y "Texas When I Die" en diferents locals d'a suya ciudat. A tamás d'a suya preferencia inicial por o country dimpués tamién s'intresó por grupos pop como The Sundays, Innocence Mission y The Cranberries que estioron fuent d'inspiración en as suyas composicions.

Vida personal[editar | editar código]

Leigh ye a menor de dos chirmanas. Se casó con Mark Nash, batería de PFR, en mayo de 1996 y se'n esburció en 2007. Tienen un fillo que naixió en 2004. Leigh conoixió a lo suyo marito quan os suyos grupos yeran tocando en o Cornerstone Festival en Illinois[6]

Álbums[editar | editar código]

Anyo Álbum Singles
2006 Blue on Blue
  • "My Idea Of Heaven"
  • "Ocean Size Love" (nomás promocional)
  • "Blue Sky" (promocional, nomás en Chapón)
2007 Fauxliage (con Delerium)
  • "Let It Go"
  • "All the World"

Referencias[editar | editar código]

Vinclos externos[editar | editar código]