Lausana

Lausana; Lausanne
	Localidat de Suiza
	; Anvista de Lausana y d'o laco Lemán.
Estato; • Cantón; • Destrito	Suiza; Vaud; Lausana
Superficie	41,37 km²
Población; • Total; • Densidat	; 130.131 hab. (2009); 3.145,54 hab/km²
Altaria	495 m.
Codigo postal	1000 a 1008
Ríos	Flon, Louve, Vuachère, Riolet y Laco Lemán
	www.Lausanne.ch

De Biquipedia

Ir ta: navego, busca

Lausana (Lausanne, [loˈzan], en francés y oficialment) ye una ciudat y comuna de Suiza, capital d'o destrito de Lausana y tamién d'o cantón de Vaud.

A ziudat de Lausana ye a cinquena ciudat con mayor numero d'habitants de Suiza (con una población de 130.131 habitants en febrero de 2009),^[1] dezaga d'as ciudatz de Zúrich, Chinevra, Basilea y Berna. Con una superficie de 41,37 km², a suya densidat de población ye de 3.145,54 hab/km². Antiparte, la suya aria metropolitana (Aria metropolitana de Lausana), formata por 70 comunas, tien arredol de 317.000 habitants.

En Lausana se troba a seu d'o Comité Olimpico Internacional, y estió dende o sieglo XX una ciudat con una activa presencia en o mundo diplomatico. Asinas, en 1923 se firmó en a ciudat o Tractato de Lausana entre Turquía y os Aliatos, un tractato por o qualo remataba l'estato de guerra d'a Primera Guerra Mundial entre as dos partes.

[editar] Cheografía

Lausana se troba a o canto d'o Laco Lemán, frent a la ciudat francesa de l'Alta Savoya d'Évian-les-Bains, a 495 metros d'altaria sobre o ran d'a mar, y ye trescruzata por bellos ríos (Flon, Louve, Vuachère, Riolet) que desauguan en o laco.