Lactuca sativa
| Lactuca sativa | |
|---|---|
 |
|
| Denominacions populars | |
|
|
|
| Estato de conservación | |
 Seguro (IUCN) |
|
| Clasificación scientifica | |
|
|
Eukaryota |
|
|
Plantae |
|
|
Magnoliophyta |
|
|
Magnoliopsida |
|
|
Asterales |
|
|
Asteraceae |
|
|
Cichiorioideae |
|
|
Lactuceae |
|
|
Lactuca |
|
|
L. sativa |
| Descripción | |
|
Linnaeus, |
|
A ensalada (Lactuca sativa (Linnaeus, 1758)) ye una planta anyal d'a familia d'as asteracias que se cautiva ta l'alimentación, mas que mas por a suya versatilidat como parte d'os apanyizos.
Contenius |
Descripción [editar]
A planta tiene una vena pivotant y creix como una roseta de fuellas superficials, de bells 25 centimetros de lonchitut cadaguna, de color verde intensa, que de regular son o que se consume.
O troncho gosa estar curto, de sección celindrica, y ye d'a on creix a inflorescencia en a epoca d'a florada. As flors son amariellas y amaneixen en capitols. A simient disposa d'un vilano, que les sirve ta dispersar-se con l'aire.
Nombre [editar]
O nombre «ensalada» regular que por tot Aragón se gosa referir a ista planta, y ye una parola que tamién ha pasau a o castellano d'Aragón, por o fuerte substrato de a luenga aragonesa que tiene, con ixe sentiu. Por contra de como se fa en castellano estándar, luenga en a que a parola se gosa referir concretament a l'apanyizo, en a mayoría de parlas d'Aragón, tanto castellanas como aragonesas y dica catalanas, o termin «ensalada» s'aplica a la planta.
O naturalista y lexicografo Rafel Vidaller a documenta con iste nombre en puestos tan dispersos por a cheografía aragonesa como Fonz, Seira, Biarche, Chistén, Balbastro, Sos d'o Rei Catolico u Gallocanta.[1]
Referencias [editar]
- ↑ (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-89862-35-7
Vinclos externos [editar]
Biquiespecies tiene un articlo sobre Lactuca sativa.
Se veigan as imáchens de Commons sobre Lactuca sativa.
