La Còla

De Biquipedia
Ir ta: navego, busca
La Còla
La Colle
Vico de Múnegu
La Còla.svg
La Còla en Múnegu
Entidat
 • Estato
 • País
Vico
Flag of Monaco.svg Múnegu
Flag of Occitania.svg Occitania
Superficie
 • Total

0,11 km²
Población
 • Total

2.829 hab.
Numero 07

La Còla (en francés La Colle, en francés antigo L'Acaulle) ye un d'os once vicos, situato en a parti ueste d'o prencipato de Múnegu.

O vico ye situato en l'antiga comuna de La Condamina, fendo tradicionalment parti d'o vico de Moneghetti. A suya superficie ye de 175.811 m² y se divide en quince bloques administrativos.

O suyo numero ye o 07, seguntes l'administración munegasca.

Demografía[editar | editar código]

La Còla

Iste vico ye o segundo mas chicot de Múnegu en termins de población (Ciudat de Múnegu ye o menor), y ye o tercero mas chicot en superficie. La Còla tien una población de 2.829 habitants y una superficie de 0.11 km².[1] .

Múnegu tien diez escuelas publicas, quatre escuelas privatas, y una universidat. Una d'as escuelas privatas y una d'as publicas se troban localizatas en iste vico[2]

Localización[editar | editar código]

La Còla se troba en a parti norueste d'o país, chusto a o norte de Fòntvièlha.[3] La Còla se considera por un regular parti de Moneghetti, encara que administrativament ye independient. Muga con as localidatz francesas de Bèusoleu y Caup d'Alh, igual que os vicos munegascos de Las Reveras, Fòntvièlha y Moneghetti.[3]

Torismo[editar | editar código]

La Còla ye mas que mas una aria industrial, encara que bi ha quantos chicotz hotels astí, que aduyan a cubrir l'alta requesta de plazas hoteleras de Múnegu.[3]

Caracteristicas[editar | editar código]

La Còla ye, dimpués de Fòntvièlha, una d'as arias mas industrials de Múnegu.[4] Por eixemplo, astí bi ha una fabrica respetuosa con o meyo ambient d'a interpresa Venturi Automobiles y a suya subsidiaria Voxan.[5] A suya localización en o prencipato fa que sía un puesto sobrebueno ta o trafico de mercancías ya que se troba en un d'os cabos d'a ciudat y, por ixo, l'actividat industrial no afecta a o important sector d'o torismo en Múnegu.[4]

Manimenos, encara que La Còla ye una zona mas que mas industrial, tamién bi ha viviendas, prencipalment en a a muga con o vico de Las Reveras.[6] Debito a la localización de La Còla, mas luent d'o centro d'a ciudat, os pres d'os inmuebles son por un regular mas baixos.[7] Os pres son entre un 13% y un 18% mas baixos que en os vicos de Fòntvièlha u La Condamina.[8]

Se i troba o Hespital Princesa Grace, o solo hespital de Múnegu.[9]

Referencias[editar | editar código]


A bandera balear Vicos de Múnegu Múnegu
Monte-Carlu | La Rossa e Sant Roman | Larvotto e Molins Bas | La Condamina | Múnegu | Fòntvielha | La Còla | Las Reveras | Moneghetti | Sant Miquel | Lo Pòrt