Kristen Stewart

De Biquipedia
Ir ta: navego, busca
Kristen Stewart
Kristen Stewart, Breaking Dawn Part 2, London, 2012 (crop).jpg
Información personal
Calendata naiximiento: 9 d'abril de 1990
Puesto naiximiento: Flag of the United States.svg Los Angeles (California, Estatos Unitos)
Premios BAFTA
Premio Orange a la Estrela emerchent

Kristen Jaymes Stewart (Los Angeles, 1990) ye una actriz estatounitense de cine y televisión. Ha feito quantas cintas pero as más conoixitas son Panic Room, Speak, Zathura, The Messengers, In the land of women y Into the Wild. O suyo papel más popular estió a interpretación de Bella Swan, protagonista d'a cinta Twilight, una cinta basata en a primera parti d'a trilochía d'o best-seller de Stephenie Meyer.

Biografía[editar | editar código]

Naixió y creixió en Los Angeles, California.[1][2][3] Su pai, John Stewart, ye un director y productor de televisión que treballaba ta la FOX.[4] Su mai, Jules Mann-Stewart, ye una guionista naixita de Queensland (Australia).[3][5][6][7] Tiene un chirmán mayor, Cameron Stewart.[8] Asistió a la escuela dica o sieteno grau, y continó a suya educación por correspondencia,[3] dica graduar-se.[9]

Carrera[editar | editar código]

Kristen prencipió a suya carrera a la edat de ueito anyos, quan un achent la veyó actuar en una obra de Nadal d'a suya escuela.[10] A suya primera actuación estió una chicota aparición en a cinta The Thirteenth Year, producita por Disney Channel.[4] Dimpués apareixió en a cinta independient The Safety of Objects, a on que interpretava a la filla d'una mai soltera (Patricia Clarkson).

L'actriz s'enfrontinó con serenidat a o suyo papel chunto a Jodie Foster en o thriller de David Fincher The Panic Room, una cinta de Hollywood de l'anyo 2002. Kristen reemplazó a l'actriz trigata previament y interpretó o papel de Sarah, a filla diabetica de Meg Sulle. Encara que as creticas d'a cinta no estioron guaire buenas, Stewart ganó credibilidat gracias a la suya interpretación d'a filla de Foster, estando l'actriz más aclamata.

Dimpués d'interpretar a la filla d'una parella que se tresladan a vivir a una casa aparentment encantata en a cinta Cold Creek Manor, Stewart actuó en o drama sobrecargato d'emotividat Speak. En 2004, fació una cinta ta televisión basata en una novela de Laurie Hals Anderson. Kristen teneba tretze anyos quan la gravó y interpretaba a Melinda, una mesacha que ye aislata d'a chent dimpués d'haber estato violata, pero que se convierte en l'asunto prencipal d'os suyos amigos y a suya familia. Iste estió o suyo primer papel como protagonista. Kristen obtenió o elochio d'as creticas y d'o publico d'o Festival de Sundance, gracias a la suya sobrebuena interpretación.

Ye tamién memorable a suya interpretación en a cinta Catch That Kid (2004), un remake d'una cinta danesa que estió un gran exito de taquiella, dita Klatretosen. Kristen interpretaba en a debandita cinta a una adolescent que recluta un par d'amigos ta robar un banco d'alta seguritat, con l'obchectivo de pagar-le a o suyo pai moribundo una operación quirurchica ta salvar-le a vida.

En 2005 apareixió en Zathura, a on que interpretava a Lisa, la irresponsable chirmana gran de dos ninos que mete a suya casa en una nau espacial chugando a un chuego de mesa. A cinta abtenió elochios por parti d'os creticos, pero Kristen no atrayó guaire o ficacio d'os medios ya que o suyo personache pasa a mayor parti d'a cinta immovilizato.[11] A l'anyo siguient, interpretó a Maya en Fierce People, dirichita por Griffin Dunne. Dimpués d'ixo, recibió o papel de Jess en o thriller sobrenatural The Messengers. A cinta estió un exito comercial, pero tenio creticas prou malas.[12]

En 2007, fació o papel d'una polita adolescent, Lucy Hardwick, en In the Land of Women , un drama romantico protagonizato por Meg Ryan y Adam Brody. A cinta, asinas como l'actuación de Kristen, recibió comentarios diversos. Iste mesmo anyo, Stewart protagonizo l'aclamata cinta de Seann Penn, In the wild world. Amás amás, fació una chicota aparición en Jumper y en What just happened?.

Kristen en noviembre de 2009.

O 16 de noviembre de 2007, Summit Entertainment anunció que Kristen representaría o papel de Isabella Swan en Twilight, basata en o best-seller de Stephenie Meyer[13] d'o mesmo nombre. Kristen se trobaba rondando Adventureland quan la directora de Twilight, Catherine Hardwicke visitó o estudeyo ta fer-le una preba.[14] Robert Pattinson s'encargaba de l'atro papel protagonista interpretando a Edward Cullen, un vampiro que s'enamora de Bella.

Filmografía[editar | editar código]

Anyo Títol Personache Notas
1999 The Thirteenth Year Mesacha asperando una bebida[15] Desacreditata
2000 The Flintstones in Viva Rock Vegas Chica que tira un hula hoop[16] Desacreditata
2001 The Safety of Objects Sam Jennings Versión limitata
2002 Panic Room Sarah Altman Nominata a Millor Actuación en una Cinta - Actriz prencipal en os Young Artist Award
2003 Cold Creek Manor Kristen Tilson Nominata a Millor Actuación en una Cinta - Actriz adolescent segundaria en os Young Artist Award
2004 Speak Melinda Sordino Cinta independient
Catch That Kid Maddy
Undertow Lila Nominata a Millor Actuación en una Cinta - Actriz adolescent segundaria en os Young Artist Award
2005 Fierce People Maya Osbourne Versión limitata
Zathura Lisa
2007 The Messengers Jess Solomon
In the Land of Women Lucy Hardwicke
The Cake Eaters Georgia Cinta independient
Into the Wild Tracy Tatro Nominata a Millor Actuación en una Cinta - Actriz adolescent segundaria en os Young Artist Award
Cutlass Joven Robin Cortometrache
2008 What Just Happened Zoe
Jumper Sophie Chicota aparición
Twilight Bella Swan Premio a la Millor Actriz en os MTV Movie Awards 2009
Premio a o Millor Beso en os MTV Movie Awards 2009 (con Robert Pattinson)
Premio a la Millor Actriz en cinta de drama en os Teen Choice Awards
Premio a o Millor beso en os Teen Choice Awards (con Robert Pattinson)
Millor Actriz en cinta de fantasía en os Scream Awards
Premio a o millor equipe en pantalla en os People's Choice Awards (con Robert Pattinson y Taylor Lautner)
Nominata a Millor Reparto en os Scream Awards
Nominata a Millor actriz en os People's Choice Awards
2009 Adventureland Em Nominata a Millor Reparto en os Gotham Awards
The Twilight Saga: New Moon Bella Swan Premio Orange a la Estrela emerchent en os Premios BAFTA
2010 The Runaways Joan Jett
The Twilight Saga: Eclipse Bella Swan Post-producción
Welcome to the Rileys Mallory
The Yellow Handkerchief Martine
K-11 Butterfly Rematata
2011 The Twilight Saga: Breaking Dawn Bella Swan/Cullen Prencipia filmacion en agüerro.
Backwoods Bree Thompson pre-producción

Enrastrs externos[editar | editar código]

Referencias[editar | editar código]