Khoxotz

De Biquipedia
Ir ta: navego, busca
Khoxotz
Хошууд
Rechions con comunidatz importants
Flag of the People's Republic of China.svg China
Idiomas
Oirato
Relichión
Budismo
Pueblos relacionatos
calmucos y atros oiratos

Os khoxotz son una d'as tribus historicas d'os oiratos. Viviban en a rechión d'Urumtoi pero huei viven en Qingai en a zona d'o Kok Nur u Laco Qingai. Bellas faccions d'os khoxotz emigroron con os torgutz t'as riberas d'a baixa Volga y contribuyoron a la formación d'o pueblo calmuco actual.

Historia[editar | editar código]

En tiempos de l'apocheu d'os oiratos os khoxotz emigratos ta Qingai yeran aliatos d'os choros y influiban en a politica tibetana.

En lo sieglo XVII o cinqueno grant mayestre d'os birretz amariellos trobó protección en Gushri Khan, d'a tribu Khoxot establita en Kuk Nor (Quingai). Dimpués d'una intervención armata en 1640-1641 Gushri asignó tot o Tíbet central a un Dalai Lama nombrato en 1642, pero conservando l'autoridat melitar. O Dalai Lama delegó o suyo poder a un rechent. Os birretz royos son excluitos d'a vida politica y lo Dalai Lama nombra Panchen Lama a un birret amariello. O rechent consigue mantener a paz en o Tíbet dica fins d'o sieglo XVII.

En 1717 a elección d'un nuevo Dalai Lama, reconoixito por os Qing, provoca un conflicto entre o rechent y os khoxotz. En 1717 os Dzhungaros intervienen contra os khoxotz y prenen Lhasa, que saqueyan. En 1720 os Qing son qui prenen Lhasa y nombran a atro Dalai Lama, que en 1750 reestableix l'orden. Una comisión d'o imperio chino reorganiza o gobierno tibetán. S'estableix que un rechent gobierne mientres siga a minoría d'edat d'un Dalai Lama, que ye o cabo d'estato. L'aristocracia ye representata por menistros, dos amban, delegatos d'o emperador agüaitan.

Bibliografía[editar | editar código]

  • Jean Sellier. Atlas de los pueblos del Asia meridional y oriental. Acento Editorial.