Khalkhas

De Biquipedia
Ir ta: navego, busca
Khalkhas
Tögs-Ochiryn Namnansüren, lider d'o movimiento de liberación nacional en 1919
Tögs-Ochiryn Namnansüren, lider d'o movimiento de liberación nacional en 1919
Rechions con comunidatz importants
Flag of Mongolia.svg Mongolia 2,168,141[1]
Idiomas
Khalkha
Relichión
Budismo
Pueblos relacionatos
Pueblos mongols

Os khalkhas son un pueblo mongol oriental que representan o 80% d'a población en Mongolia. Son de relichión budista lamaísta.

Luenga[editar | editar código]

O khalkha ye a luenga oficial en Mongolia Exterior (a Mongolia independient), y tamién se fa servir en Mongolia Interior (a Mongolia baixo sobiranía china). Ye una continación d'o mongol clasico, que s'escribe en un alfabeto derivato de l'alfabeto uigur dende o sieglo XIII, alfabeto que s'ha seguito fendo servir pa escribir o khalkha en Mongolia Interior, pero que fue sustituito en Mongolia Exterior en a decada de 1940 por l'alfabeto latín pa encomenzar a ser recuperato recientment.

Historia[editar | editar código]

Son mencionatos dende principios d'o sieglo XVI, quan atros pueblos mongols orientals se sozmeteban a los manchutz d'a dinastía Qing de China. En o sieglo XVII prenen importancia politica en relación a atros pueblos mongols orientals, pero entran en conflicto con os Dzhungaros en a decada de 1680, o que fa que en 1691 accepten a sobiranía d'os Qing.

Dimpués d'a caita d'os Qing os khalkhas proclaman a independencia respecto a China en aviento de 1911, y con o refirme d'o Imperio Ruso conseguirán formar un estato independient, que esdevendrá un estato satelite primero de Rusia y dimpués d'a URSS. Como estato satelite d'a URSS estioron protechitos d'o proceso de sinización que sufrioron os atros mongols orientals en Mongolia Interior y Manchuria, que esdevinioron minorías en meyo d'a gran masa de población china. A l'egual que en a URSS tenioron una "revolución" que condució a la creyación d'un rechimen comunista que duró dica a decada de 1990.

Referencias[editar | editar código]