Jesús Comín Sagüés

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Jesús Comín y Sagüés
Jesús Comín Sagüés


19 de noviembre de 1933 – 16 de febrero de 1936

16 de febrero de 1936 – 4 de marzo de 1939
Naiximiento 19 d'abril de 1889
Zaragoza (Espanya)
Muerte 4 de marzo de 1939
Zaragoza (Espanya)
Partiu Comunión Tradicionalista
Conchuche María Pilar Ros Martínez
Profesión Avogato y politico
Relichión Catolico

Jesús Comín y Sagüés, naixito de Zaragoza (Espanya) o 19 d'abril de 1889 y muerto en ixa mesma capital o 4 de marzo de 1939, estió un avogato y politico aragonés, d'ideolochía carlista, que mientres a suya carrera politica ocupó cargos destacatos en a Comunión Tradicionalista, plegando a estar deputato en o Congreso d'os Deputatos mientres a Segunda Republica Espanyola en representación d'a provincia de Zaragoza en as eleccions chenerals en Espanya de 1933 y en as eleccions chenerals en Espanya de 1936 (en ista zaguera, con 70.462 votos). Yera nieto d'o politico carlista Bienvenido Comín Sarté, fillo de Francisco J. Comín, degano d'a Facultat de Dreito d'a Universidat de Zaragoza, y sobrín d'o politico carlista Pascual Comín Moya.

militant carlista dende a suya choventut, partecipó dende l'alazet d'a proclamación en Espanya en 1931 d'a Segunda Republica Espanyola en a presa d'actituz d'o Carlismo contra o nuevo rechimen republicano, tenendo ta ixo contactos con os monarquicos partidarios d'o deposato Alifonso XIII d'Espanya. Chefe d'o carlismo en Aragón, partecipó en as conspiracions contra a Republica, que rematoron cuan o 18 de chulio de 1936, chunto con un grupo de carlistas armatos, prenioron o Cuartel de Castillejos de Zaragoza y estioron decisivos en que a ciudat y a suya guarnición s'adhibisen a la sublevación. Antiparte, con as armas depositatas en Zaragoza s'armoron as columnas de requetés de Navarra que luitoron en o frent d'o País Basco en ixos primers intes d'a Guerra Civil espanyola. Tamién estió uno d'os impulsors d'o Tercio de Requetés Virgen del Pilar, que luitó en o Frent d'Aragón contra as tropas republicanas, y d'atros tercios de carlistas aragoneses.[1]

Cuan en 1937 Francisco Franco unificó a toz os partius politicos d'o bando d'os sublevatos, Jesús Comín acceptó ixa unificación, convertindo-se asinas en miembro de Falange Española Tradicionalista y de las JONS.

Encara que fue ferito en a guerra, morió en un accident d'auto.

Vinclos externos[editar | modificar o codigo]

Referencias[editar | modificar o codigo]