Italo Gariboldi
| Italo Gariboldi | |
|---|---|
| 20 d'abril de 1879 - 3 de febrero de 1970 | |
| Información personal | |
| Embotada | |
| Puesto de naixencia | _crowned.svg){kind=small} Lodi (Lombardía, Reino d'Italia) |
| Puesto de muerte |  Roma (Italia) |
| Información melitar | |
| Leyaltat | Reino d'Italia |
| Anyos de servicio | 1915-1944 |
| Rango | Cheneral |
| Mandos | 30ª División d'Infantería Sabauda 5º Exercito 10º Exercito Exercito italián en Rusia (8º Exercito italián) |
| Unidat | |
| Batallas/guerras | Primera Guerra Mundial, Segunda Guerra Italo-Etiope Segunda Guerra Mundial Frent Oriental Batalla de Stalingrado |
| Premios | Orden Melitar de Savoya Medalla d'Archent a o Valor Melitar Cruz de Caballero d'a Cruz de Fierro |
| Atras funcions | Gubernador Melitar de Libia |
Italo Gariboldi, naixito de Lodi (Lombardía, Reino d'Italia) o 20 d'abril de 1879 y muerto en Roma (Italia) o 3 de febrero de 1970, estió un melitar italián d'o Regio Eserzito, que plegó a o ran de cheneral y partecipó en a Primera Guerra Mundial, a Segunda Guerra Italo-Etiope y a Segunda Guerra Mundial, a on prenió parte en batallas en a colonia italiana de Libia y en o Frent Oriental, a on manaba o Exercito italián en Rusia mientres a batalla de Stalingrado.
O cheneral Italo Gariboldi recibió quantas medallas en a suya carrera melitar, destacando a Orden Melitar de Savoya, a Medalla d'Archent a o Valor Melitar y a Cruz de Caballero d'a Cruz de Fierro (ista zaguera, una condecoración melitar alemana).
Contenius |
[editar] Primeras anyadas
Italo Gariboldi yera naixito d'a localidat de Lodi, en Lombardía, o 20 d'abril de 1879, y fue nombrato oficial en o Regio Eserzito, as Fuerzas Armatas d'o Reino d'Italia, en 1889, prenendo parte en as primeras campanyas colonials d'una Italia que heba rematato a suya unificación nomás pocas anyadas antis d'a suya naixencia.
Asinas, prenió parte en as operacions en Tripolitania en 1911 mientres a Guerra Italo-Turca con o Imperio Otomán, que remató con a redota turca y a cesión a Italia d'a nueva colonia de Libia. Ista estió a primera acción belica d'Italo Gariboldi, y li permetió tener conoixencia d'un territorio a on encara luitó anyadas dimpués.
[editar] Primera Guerra Mundial y postguerra
En prencipiar a Primera Guerra Mundial, o Reino d'Italia estió un país neutral, dica abril de 1915, quan dentró en a guerra en aduya d'os Aliatos, encara que o país feba parte d'o sistema d'alianzas melitars d'as Potencias Centrals antis d'a guerra. As tropas d'o Regio Eserzito italián luitoron contra as tropas d'o Imperio Austro-hongaro en a muga entre os dos países, en un frent que recibió o nombre de Teatro d'operacions d'Italia. Italo Gariboldi profitó bien d'a suya partecipación en a guerra, en logrando dos ascensos por meritos de guerra y en recebindo a Medalla d'Archent a o Valor Melitar, a maxima condecoración melitar italiana a o valor.
