Historia

A historia ye a disciplina scientifica que tien como obchecto o estudio d'o pasau d'a humanidat. Tamién se diz historia a o relato de feitos pasatos que se consideran dignos de remerar por una sociedat determinata.

A historia naixió con l'aparición d'a escritura, o qual permitió a continidat d'os relatos por dencima de l'antiga tradición oral. Por ixo, a escritura marca a buega entre as sciencias d'a Historia y a Prehistoria, y se gosa clamar tamién historia a o periodo dende l'aparición d'a escritura dica l'actualidat.

Etimolochía

A parabra en aragonés historia provién d'a parabra latina historia, que significa "narrativa, relato", y que provién d'o griego antigo ἱστορία historía, que significa "l'aprendizache u conoiximiento por investigación, historia, rechistros u narrativa", d'o verbo ἱστορεῖν historeîn "imbestigar", y iste derivato de ἵστωρ hístōr "sabio", "testigo" u "chuez".

Disciplinas auxiliars d'a historia

Son ixos campos d'estudio que ofreixen fuents de datos a o historiador.

• Arqueolochía.
• Diplomatica.
• Epigrafía.
• Chenealochía.
• Heraldica.
• Numismatica.
• Paleografía.
• Sichilografía.