Ireland's call

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ireland's call
Información cheneral
En aragonés A clamada d'Irlanda
Himno nacional d'Irlanda + Irlanda d'o Norte
País Irlanda + Irlanda d'o Norte
Adopción 1995
Parolas Phil Coulter
Idioma Anglés
Compositor Phil Coulter
Cantaire Andrew Strong

Ireland's call ye una canción composata por Phil Coulter en 1995 por mandaleixo d'a Irish Rugby Football Union (IRFU) (Cumann Rugbaí na hÉireann, en irlandés, Unión Irlandesa de Rugby en aragonés) que se fa servir como himno en os partius de l'equipe irlandés de rugby, que bi arrocla chugadors de tota Irlanda (Irlanda d'o Norte y Republica d'Irlanda). Cuan chuga en Dublín, s'ascuitan os dos himnos: l'Amhrán na bhFiann y l'Ireland's call. Chugando difuera d'a Republica, solo que l'Ireland's call. Tamién fa servir dos banderas: a bandera d'Irlanda cuan chuga en a Republica d'Irlanda, y a d'as cuatro provincias d'Irlanda (d'a Irish Rugby Football Union) cuan chuga difuera d'a Republica. Andrew Strong, cantaire en o film The Commitments, s'encargó de cantar-la en as primeras gravacions.

Tamién os equipes irlandeses de hockey, cricket y A1GP han adoptato ista canción como himno.

I ha unatra versión d'a canción, feita dimpués por o mesmo Phil Coulter ta "Celtic Thunder", grupo dirichito por Phil.

Parolas[editar | modificar o codigo]

Parolas en anglés Traducción en aragonés

{{{2}}}

Arriba o dia y arriba a hora
Arriba o poder y a gloria
Semos venitos ta responder
a clamada d'o nuestro país.
Dende as cuatro argüellosas provincias d'Irlanda

Irlanda, Irlanda
Remanindo-ie a ixena
huembro con huembro
responderemos a clamada d'o nuestro país

Dende as granizas Glens d'Antrim
Dende os escarpatos tozals de Galway
Dende as murallas de Limerick
Y a bahía de Dublín
Dende as cuatro argüellosas provincias d'Irlanda

Irlanda, Irlanda
Remanindo-ie a ixena
huembro con huembro
responderemos a clamada d'o nuestro país

Corazons d'acero
Y tozuelos que no s'acochan
churando nunca no crebar
luitaremos dica que
no en podamos mas
Por as cuatro argüellosas provincias d'Irlanda.

Irlanda, Irlanda
Remanindo-ie a ixena
huembro con huembro
responderemos a clamada d'o nuestro país

Irlanda! Irlanda!
Irlanda ta cutio!

Veyer tamién[editar | modificar o codigo]

Vinclos externos[editar | modificar o codigo]