Interferencia d'ARN

De Biquipedia
Ir ta: navego, busca
Inoculación d'RNAs d'interferencia en una celula de mamifero.

A interferencia d'ARN (asobén identificada per siglas RNAi, de l'anglés RNA interference) ye un sistema que, a dintro d'as celulas vivas, influye en o control de quals d'os chens se troban activos y quals no el son. Dos tipos de moleculas d'ARN son prencipals en o proceso: o microRNA (miRNA) y o RNA d'interferencia menudo (siRNA). As moleculas d'ARN son o produeito directo d'os chens, y los ditos ARNs pueden unir-se a belaltras moleculas d'ARN concretas y, u bien augmentar a suya actividat, u bien fer-la disminuir, p. ex. bloquiando que un ARN mensacher pueda producir a proteína que codifica. A interferencia d'ARN chuega un papel prencipal en adefensa d'as celulas eucariotas contra bells elementos chenicos parasitos, como virus y transposons, pero tamién son importants en a regulación d'a expresión chenica cheneral d'as celulas vivas.

A vía d'a interferencia d'ARN se troba en muitos eucarionts, incluyindo-se-ie os animals, y s'enzata con l'acción d'o enzima dicer, que convierte moleculas de ARN de doble cadena (dsRNA) en fragmentos curtos d'á redol de 20 nucleotidos d'ARN (que mantiene a estructura de doble cadena complementaria) que son aptos ta involucrar-se en os procesos d'interferencia. Una d'as dos cadenas de cada fragmento, dita la «cadena guida», se incorpora en o complexo de silenciamiento indueito con ARN (RISC, prenunciar «erre í esecé», no pas «risc»). Un d'os resultatos millor estudeatos son o silenciamiento post-transcripcional de chens, lo qual gosa pasar quan as bases d'a cadena guida s'aparellan con una seqüencia complementaria d'una molecula d'ARN mensacher y ansinas se dispara la catalisi d'o proceso per mans d'o elemento «argonauta», o elemento activo d'o complexo RISC.

O efecto tan selectivo anque poderoso que a interferencia d'ARN tiene la ye convertita en una ferramienta experimental prencipal, tanto en as celulas de cultivo (in vitro) como en organismos vivos (in vivo).

Se veiga tamién[editar | editar código]