Instituto d'Investigación en Incheniería d'Aragón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Instituto d'Investigación en Incheniería d'Aragón | |
|---|---|
  Edificio I+D+i, seu d'o I3A en Zaragoza
| |
| Datos chenerals | |
| Tipo | Publico |
| Siglas | I3A |
| Embotada | |
| Lema | ' |
| Establimiento | 14 de mayo de 2002 |
| Fundador | |
| Localización | |
| Adreza | Edificio I+D+i (Campus Río Ebro) C/. Mariano Esquilor, 50018 |
| Ciudat | Zaragoza |
| País |  Aragón
|
| Estato | |
| Coordenatas | |
| Atras seus | •Campus Río Ebro •Parque Tecnolochico Walqa |
| Campus | |
| Profesors | |
| Estudiants | |
| • Bachillerato | |
| • Pregrau | |
| • Postgrau | |
| • Doctorato | |
| • Atros | |
| Treballadors | |
| Funcionarios | |
| Administrativos | |
| Mascota | |
| Colors | |
| •Academicas | |
| •Esportivas | |
| Administración | |
| Rector | |
| Vicerrector | |
| Canciller | |
| Vicecanciller | |
| President | |
| Director | D. Juan Ignacio Garcés Gregorio |
| Degán | |
| ' | |
| Afiliacions | |
| Financiamiento | |
| i3a.unizar.es | |
O Instituto d'Investigación en Incheniería d'Aragón (I3A) ye un d'os centros d'investigación d'a Universidat de Zaragoza. As suyas actividaz se troban en a bastida d'istas cuatro arias: investigación, transferencia tecnolochica, formación y difusión cientifica.
L'I3A estió o primer instituto universitario d'investigación d'a Universidat de Zaragoza, y fue creyato o 14 de mayo de 2002. Entre os obchectivos que impulsoron a suya naixencia yera o d'estar un centro interdisciplinar que abracase diferents brancas d'a incheniería, y que cubrise o ciclo completo d'a investigación orientada, dende a basica dica o disenyo de prototipos. Como actividat formativa, antiparte, o I3A organiza un Máster Universitario en Incheniería Biomedica, con a colaboración d'o Instituto de Nanosciencia d'Aragón, y un programa de doctorau en Incheniería Biomedica de caracter universitario (entre a Universidat de Zaragoza y a Universitat Politècnica de Catalunya.
L'I3A tien a suya siede en o recient devantau edificio d'I+D+i, en dintro d'o campus Río Ebro d'a Universidat de Zaragoza. O suyo director actual, dende octubre de 2011, ye Juan Ignacio Garcés Gregorio.
L'instituto ye integrau por mas de 500 personas, d'os que mas de 261 son miembros investigadors doctors. A resta ye constituida por un numero variable d'investigadors, personal contractau, personal tecnico y d'administración. Os miembros d'o I3A s'agrupan en 26 grupos d'investigación reconoixius por o Gubierno d'Aragón.
Investigación[editar | modificar o codigo]
L'I3A mantién linias d'investigación en cuantas especialidaz d'a incheniería. Debiu a ista diversidat, y ta organizar de traza mas eficient o suyo treballo, a fayena d'o instituyo ye organizada en tres grans Divisions Estratechicas d'investigación (Incheniería Biomedica, Incheniería Ambiental y Procesos y Reciclau) y tres línieas relevants d'investigación (automoción, inducción y sistemas discretos distribuius), d'especial intrés encara que de carácter unidisciplinar.
Incheniería Biomédica[editar | modificar o codigo]
A División d'Incheniería Biomedica agrupa de traza multidisciplinar a especialistas en Biolochía, Medicina, Fisica, Matematicas y Incheniería, que treballan en aplicacions d'a tecnolochía ta la millora d'a salut y a calidat de vida. En ista división s'incluyen cuatro arias especificas d'investigación:
- Incheniería de teixius y biomaterials, en a que s'estudia cómo os materials y as estructuras pueden interactuar con os teixius vivos, aduyando a la recheneración d'organos.
- Modelado biolochico y biomecanica, que estudia os comportamientos d'os organismos ta la prevención u avaluación de problemas, igual como os abances en cirurchía minimament invasiva por medio d'a biomecanica.
- Imachen, sinyal y instrumentación biomedicas, aria que aproveita o desembolique de nuevas tecnolochías ta obtener información que aduye a comprender de traza mas precisa os procesos biolochicos.
- Tecnolochías de prevención y asistencials, adedicada a amillorar a calidat de vida de personas limitadas por a malotía, por medio d'o desembolique d'a teleasistencia, a telemedicina, a ergonomía u a robotica aplicada a la mobilidat.
Intelichencia Ambiental[editar | modificar o codigo]
A División d'Intelichencia Ambiental se centra en o desembolique d'entornos habitables con servicios adaptables a las personas seguntes a suya presencia y contexto, adaptando-se a las suyas necesidaz. A división incluye as arias espedificas de:
- Vehiclos seguros e intelichents, a traviés d'a cual se concibe o vehiclo como un terminal interactivo d'información, con l'aplicación d'interfaces multimodals, comunicacions vehiclo-vehiclo y vehiclo-infraestructura, sensors y sisemas de percepción, navegación autonoma, seguridat activa.
- Entornos intelichents, que desembolica o tractamiento d'a información y datos en cualsiquier formato multimedia, dintro d'ambitos como edificios intelichents, entornos urbanos, telemedicina, asistencia a dependients, TICs en cultura y ocio, detección de parametros medioambientals, sensors y rez de sensors.
- Seguridat, vichilancia y rescate, aria que aplica as tecnolochías d'a información a las comunicacions en ambients confinaus y hostils, a robotica d'intervención, rez de comunicación móbils ad-hoc, y vichilancia domestica, urbana y de grands instalacions.
- Computación, infraestructuras de datos y seguridat en o ret, centrada en o procesau y almacenamiento de datos en a forma mas eficient, y que abraca ambitos como as arquitecturas computacionals d'altas prestacions, os sistemas empotraus, o gubierno electronico y a seguridat en o ret.
Procesos y Reciclau[editar | modificar o codigo]
La División de Procesos y Reciclau investiga aspectos relacionaus con la valuración de recursos y tecnolochías de l'hidrocheno, asinas como tecnolochías alimentarias. En l'actualidat cuenta con cuatro arias especificas d'investigación:
- Enerchía y medio ambient, que s'ocupa d'a minimización de l'impacto medioambiental d'os residuos, a cheneración d'enerchía y a maximización d'a eficiencia enerchetica, igual como a suya integración en sistemas de climatización d'edificios por metodos alternativos.
- Tecnolochías de l'hidrocheno, tanto as usadas ta la suya producción como as que s'ocupan d'a suya separación y almagacenache. Tamién se para cuenta en os desemboliques en sistemas de distribución masiva d'hidrocheno.
- Minimización de residuos y reciclau, aria que s'adedica a o desembolique de tecnicas ta la obtención de productos de valura anyadida a partir de residuos. Tamién s'estudia en ista aria linias d'eficiencia de procesos, que incluyen a utilización de materials menos contaminantes, o de los procesos 'verdes'.
- Tecnolochías agroalimentarias, entre as que se incluye os envases intelichentes capaces de prolongar las caracteristicas d'os alimentos, u os metodos analiticos ta la identificación d'olors y gustos, tecnicas que antiparte, tiene a suya aplicación en a caracterización d'aromas en ambients industrials.
LRI (Líneas Relevants de Investigación)[editar | modificar o codigo]
A Línia Relevant d'Investigación d'Automoción desembolica actividaz arredol d'a enerchía y o medio ambient (cadena de transmisión, combustibles hibridos y pilas de combustible); disenyo y producción (materials y procesos, pinturas y recubrimientos, incheniería virtual, ciclo de vida y reciclau, fabricación); y seguranza y mobilidat (controls avanzaus, sistemas de seguranza, interacción hombre-vehiclo, electricidat y electronica, mobilidat y infraestructura).
A linia d'Induccion, por a suya parte, fa investigacions arredol d'aplicacions a sistemas de calentamiento por inducción domestico; modelau electromagnetico y analís de rendimientos enercheticos; microelectronica de control; sistemas automaticos de control d'a temperatura d'o recipient; modelau termico; y analís mecanico d'o rudio y vibracions de sistemas de calentamiento por inducción.
A línia de Sistemas Discretos Distribuius centra os suyos treballos en a comprensión y estudio d'os fundamentos d'os sistemas endrezaus por eventos discretos, a on a concurrencia, y a distribución chugan un papel central, y suya aplicación ta prochectos d'incheniería en dominios como incheniería de software, rez d'ordinadors, rez "ad hoc", lochistica interna y externa, u informatica industrial.