Inpaichthys kerri

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Inpaichthys kerri

Inpaichthys kerri
Estato de conservación

seguro
Dominio: Eukaryota
Reino: Animalia
Filo: Chordata
Clase: Actinopterygii
Subclase: Neopterygii
Infraclase: Teleostei
Orden: Characiformes
Familia: Characidae
Chenero: Inpaichthys
Especie: I. kerri
Inpaichthys kerri
Géry & Junk, 1977

Inpaichthys kerri (Géry & Junk, 1977[1]) ye una especie de peix tropical d'augua dulza d'a familia Characidae, d'entre 4 y 5 cm de lonchitut en os masclos, y d'entre 4,5 y 5,5 cm en as fembras adultas. Ye una especie natural d'os ríos de gran parte de l'interior d'America d'o Sud, y sen troba poblacions salvaches dende os rigachuelos d'o Pantanal de Mato Grosso, en o sud de Brasil, dica os afluyents de y o propio río Amazonas, en o norte d'o mesmo país. Habita en auguas someras, sin de guaire prefundidat, pero con frecuencia plenas de densa vechetación.

En Espanya se'l comercializa con o nombre de Falso tetra emperador, per lo pareixito fisico tan prencipal que tienen con Nematobrycon palmeri (o verdader «tetra emperador») con el que a sobén se'l entivoca. No ye cosa guaire extraordinaria de trobar eixemplars d'Inpaichthys kerri que s'ofreixen erroniament como tetras emperador en as botigas d'animals. Un observador conoixedor d'as especies detectará la presencia d'aleta adiposa en I kerri, que no existe en Nematobrycon palmeri, a mida bella mica mas chiqueta d'o "falso" emperador (si sen contimpara eixemplars de tot adultos), y a forma un poquet mas afusada d'os Inpaichthys. Tamién reciben o nombre de «Tetra de Kerr» u «Tetra kerri».

Inpaichthys kerri ye una especie con un evident dimorfismo sexual, con as fembras mas grans que no os masclos. Os masclos tienen, a demés, l'aleta anal bella mica mas desarrollada. Os masclos tienen l'aleta adiposa (caracteristica d'a familia Characidae) de color azulenca, mientres que en as fembras ye d'a mesma color que la resta d'o cuerpo.[2] A coloración cheneral d'o cuerpo ye marrón de fundo, con una brillura metalica carateristica d'ista especie que fa que seguntes como les i incide a luz en as escatas pareixca que cambean de color dende azulenca u dica morada enta narancha u viceversa, conforme l'animal chira u se mueve. Ista coloración ye el que fa que en a literatura anglofona sen suelga decir Blue tetratetra azul»). Tienen una faixa negra central, ampla y bien definida, que les recorre tot lo cuerpo per cada costato, dindo dende a coda dica la cabeza. A forma d'o cuerpo ye de fuso, mas fina que no en altras especies de tetra, con una natación áchil y rapeda.

O suyo comportamiento ye temido y pacefico, trobando-se-los de normal amagaus d'entre a vechetación. Son mas niervudos que no os tetras emperador verdaders, estando mas amagadizos en l'acuario. Como tamién pasa con cualques especies de peixes que tradicionalment se describen como paceficas en a bibliografía (p. ex. Hasemania nana u Thayeria boehlkei), en situacions d'alta densidat de población de peixes en l'acuario, os eixemplars d'Inpaichthys kerri pueden manifestar conductas territorials que no se solen trobar descritas en os libros, encorrendo-se d'entre ellos u dica a las altras especies que i convivan.

Imáchens[editar | modificar o codigo]

Referencias[editar | modificar o codigo]

  1. (en) Inpaichthys kerri en o portal ITIS, Integrated Taxonomic Information System, consultato lo 18 de febrer de 2010.
  2. (es) Dentrada Inpaichthys kerri en o portal www.Dr. Pez.net. Consultato lo 18 de febrer de 2010

Vinclos externos[editar | modificar o codigo]