Independentismo escocés

De Biquipedia
Ir ta: navego, busca
Localización d'Escocia en o Reino Unito.

O independentismo escocés ye un movimiento politico escocés surchito en 1707 que quier a secesión d'Escocia d'o Reino Unito y a suya transformación en un estato independient.

Ideyolochía[editar | editar código]

As demandas d'os escoceses por a independencia se basan en a ideya de que Escocia, como una nación con una cultura y identitat diferents a la anglesa, puede separar-se d'o Reino Unito y tornar a estar independient como enantes de 1707.

A luita por l'autogobierno[editar | editar código]

Dende meyatos d'o sieglo XIX apareixió un movimiento por l'autogobierno que buscaba la devolución d'o control sobre os afers escoceses ta Escocia, pero o refirme a la independencia no plegará dica os anyos vint d'o sieglo XX.

A demanda d'a creyación d'una Asambleya Escocesa fue iniciata en 1853 por un organismo cercano a o Partito Conservador y pronto recibió tamién o refirme d'o Partito Liberal, pero no fue considerato bella cosa prioritaria, y quan a propuesta d'autogobierno escocesa fue presentata a o Parlamento de Westminster en 1913, o suyo tramite fue interrumpito por a Primera Guerra Mundial. O nuevo Partito Laborista compartió a postura d'o Partito Liberal respecto a l'autogobierno, pero teneban atras prioridatz y a suya politica cambeó en as eleccions chenerals d'o Reino Unito de 1945. En 1974 a politica laborista tornó a refirmar l'autogubierno escocés, subchecto a referéndum.

Dende 1934, o nacionalismo escocés se troba mas que mas representato por o Scottish National Party, qui tenió o suyo primer representant en a Cambra d'o Comuns d'o Parlamento britanico en 1967, y en as eleccions de marzo de 2007 ganó por primera vegata (con mayoría simpla as eleccions a o Parlamento d'Escocia, ganando por mayoría absoluta en as eleccions d'o 5 de mayo de 2011,[1] a primera vegata que un partito plega a tener una mayoría absoluta en o Parlamento.

Referencias[editar | editar código]