Imperio austro-hongaro

De Biquipedia
Ir ta: navego, busca
Österreich-Ungarn
Osztrák–Magyar Monarchia

Imperio Austro-Hongaro
Flag of the Habsburg Monarchy.svg 1867 — 1918
Bandera Escudo d'armas
Himno nacional: Gott erhalte Franz den Kaiser
Situación de Imperio Austro-Hongaro
Imperio Austro-Hongaro en 1913
Capital Viena y Budapest
Idioma oficial
 • Atros idiomas
Alemán, hongaro y latín
Checo, polaco, ucrainés, rumán, crovate, eslovaco, serbio, esloveno, rutén y italián
Gubierno Monarquía
 • Compromís Austro-Hongaro 8 de chunio de 1867
 • Desaparición 31 d'octubre de 1918
Superficie
 • 1914

676 615 km²
Población
• 1914 est.
     Densidat

52800000 hab.
78 hab/km²

O Imperio Austro-hongaro estió un estato federal d'Europa Centro-Oriental formato por Cisleitania y Transleitania, en a subchección d'a monarquía d'os Habsburgo. Manimenos por a suya curta duración no tenió que dos emperadors: Francisco Chusé I y Carlos I.

O 18 de febrero de 1867 se plegó a lo compromís austro-hongaro. Como respuesta a lo problema d'as reivindicacions nacionals d'os hongaros. O territorio baixo sobiranía d'os Habsburgo quedaba dividito en dos estatos: Cisleitania, con clase dirichent alemana y Transleitania, con clase dirichent hongara. Os dos estatos comparten sobirán, con o títol d'Emperador d'Austria y Rei d'Hongría, y tamién comparten tres menisterios: economía, afers exteriors y defensa. Os territorios alemans, polacos, checos, eslovens y italians yeran en Cisleitania y os territorios hongaros, eslovacos, crovates y vlacos yeran en Transleitania.

Cisleitania[editar | editar código]

Os alemans son o 36 % d'a población de Cisleitania y o 12 % d'o Imperio Austro-hongaro. 4/5 partz son en o territorio que esvebendrá Austria, (os Alpenländer) y en os Sudetes. En Cisleitania os checos y italians tendrán importants movimientos separatistas.

Transleitania[editar | editar código]

A dieta hongara ratificó o compromís en abril de 1867. O 8 de chunio ye coronato Francisco Chusé rei de Hongría. Encomenzará una campanya de maguiarización d'as minorías, en un estato on os hongaros no yeran que o 48 % d'a población, os eslovacos o 9,4 %, os rutens (rusins) o 2,3 %, os vlacos o 14,1 %, os serbios o 5,3 %, os crovates o 8,8 %, os alemans o 9,8 % y un 2,2 % d'atras minorías.

Hongría preba de millorar a educación ixamplando l'amostranza primaria, secundaria y superior en a capital y en as provincias. As trasformacions creyan tensions socials. A baixa nobleza monopoliza os puestos de l'administración y d'o exercito. O poder economico y as finanzas son en mans d'una burguesía en gran parte chodiga maguiarizata y a vegatas cristianizata, con igualdatz de dreitos civils en 1893.

O rechimen electoral que limita a representación en o Parlamento d'as minorías nacionals. O Compromís de 1867 no resolvió o problema d'as nacionalidatz, que heban de contentar-sen con a lei de nacionalidatz d'o 6 d'aviento de 1868, de fueras d'os crovates teneban un rechimen propio por o compromís hongaro-crovate de noviembre de 1868. A lei de nacionalidatz autoriza o uso d'as luengas minoritarias a escala local, en l'administración, en as ilesias y asociacions. L'hongaro ye a luenga d'estato y l'aplicación d'a lei ye dende un punto de vista centralista y no tan tolerant como en o texto d'a lei.

Dimpués de 1867 a nobleza hongara quereba que fuese suprimita a institución d'as mugas melitars, en o Banato en 1872 y en Croacia y Eslavonia en 1878.

En a decada de 1870 os habitants de Bosnia-Herzegovina y de Bulgaria se sublevaban a lo Imperio Otomán, encomenzando una crisi internacional. Por o Congreso de Berlín de chulio de 1878 Austria-Hongría ocupan Bosnia-Herzegovina y o Sanchac de Novi Pazar.

A ocupación de Bosnia-Herzegovina, que ya no chustificaba una muga melitar y en 1872 fue suprimita a muga melitar de Croacia y Eslavonia, quedando os serbios y crovates sin os privilechios que i teneban, con o que creixe o descontento.

Una lei d'educación de 1879 imposa a las escuelas d'as minorías un minimo d'amostranza de l'hongaro, y en 1907 encara aumentan as disposicions d'esta lei.

A primera Guerra Mundial y fragmentación d'o Imperio[editar | editar código]

O 28 de chunio se produce l'atentato de Sarajevo, o 27 de chulio Austria-Hongría declara a guerra a Serbia y o 28 de chulio encomienza a primera Guerra Mundial, en a que Austria-Hongría ye derrotata.

O día 11 de noviembre de 1918 o Emperador Carlos se refuchia en Italia. A derrota suposa un cambeyo total de mugas y creyación de nuevos estatos con territorios en l'antigo imperio: Checoslovaquia, Reino d'os Serbios, Crovates y Eslovens, Polonia y perdugas territorials a mans d'os estatos güegants: Italia y Rumanía. Austria y Hongría se deseparan.

O 12 de noviembre de 1918 se proclamó a Republica de l'Austria Alemana “Deustch-Österreich”, como parte d'a Republica Alemana, manimenos o Tratato de Saint-Germain-en-Laye prohibiba que os alemans austriacos s'unisen a lo atros alemans en un mesmo estato, y se creya a Republica d'Austria, con un rechimen federal dende octubre de 1920.

Por o tractato de Trianon Hongría pierde territorios habitatos por mayorías no hongaras en as suyas marguins.

Vinclos externos[editar | editar código]

Bibliografía[editar | editar código]