Imperio Austriaco

De Biquipedia
(Reendrezau dende Imperio austriaco)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Imperio Austriaco
Kaiserthum Österreich
1804 — 1867
Bandera Escudo d'armas
Himno nacional: Gott erhalte Franz den Kaiser
Situación de Austria
Situación de Austria
Imperio Austriaco en 1859
Capital Viena
Idioma oficial
 • Atros idiomas
Alemán y latín
hongaro, Checo, polaco, ucrainés, rumano, croata, eslovaco, serbio, esloveno, rutén y italiano
Relichión catolicismo
Gubierno Monarquía
 • Proclamación de l'Imperio 11 d'agosto de 1804
 • Compromís Austrohongaro 8 de chunio de 1867

L'Imperio Austriaco fue fundau en 1804 en territorios de l'anterior Sacro Imperio Romano Chermanico baixo control d'os Habsburgo y duró dica 1867, cuan por o compromís austrohongaro una reorganización administrativa condució a la formación de l'Imperio Austrohongaro.

O Imperio Austriaco fue creyau l'11 d'agosto de 1804 cuan l'emperador d'o Sacro Imperio Romano Chermanico Francisco II se proclamó emperador d'Austria (convertindo-se en Francisco I d'Austria), como reacción a la coronación de Napoleón como emperador.

Cuasi dende a suya creyación ya sufrió perdugas territorials debant d'o expansionismo francés y os suyos aliaus. En l'anyo 1805 Austria invade o Ducau de Bavera, aliau d'o Primer Imperio Francés y se produce una contraofensiva napoleonica que conduce a la derrota d'Austria, Rusia y Anglaterra o 2 d'aviento de 1805 en a Batalla d'Austerlitz. Por o tractau de Presburgo l'Imperio Austriaco habió de ceder o Tirol a Bavera y as suyas zagueras posesions en Suabia a Baden y Wurtemberg.

En l'anyo 1809 bi ha atra reducción territorial. A victoria francesa en a batalla de Wagram fa que por o tractau de Viena d'octubre de 1089 Austria ceda Salzburgo a lo Reino de Bavera, a part de Polonia anexionada en 1795 a lo Gran Ducau de Varsovia y os territorios poblaus por eslovenos y croatas a lo Primer Imperio Francés, constituindo-se as "Provincias Ilirianas".

En agosto de 1813 l'Imperio Austriaco s'une a la sexta coalición antinapoleonica y entre o 16 y o 19 de 1813 derrotan a Francia en a Batalla de Leipzig. En o Congreso de Viena de 1814-1815 Austria recupera o Tirol y Salzburgo. O Congreso de Viena deixó Alemanya como una asociación d'estaus sobirans (Confederación Chermanica) on Austria teneba posibilidaz d'intervención. A metat de l'Imperio Austriaco feba part d'a Confederación Chermanica, con una muga suroriental que pasaba por o suyo centro (deseparando a los checos d'os eslovacos y a los alemans d'os hongaros).

En 1848 una succesions de revolucions en Alemanya fan que Metternich dimita y o gubierno austriaco accepte a elección d'una asamblea constituyent por sufrachio universal.

A derrota d'Austria debant de Prusia o 3 de chulio en Sadowa fan que se disuelva a Confederación Chermanica y que l'Imperio Austriaco mire un nuevo equilibrio, fendo concesions a los nacionalistas hongaros con a creyación en l'anyo 1867 d'un estau dual, l'Imperio Austrohongaro.

Bibliografía[editar | modificar o codigo]