Imperio Otomán
De Biquipedia
|
|||||
|
|||||
 |
|||||
| Capital | Costantinnoble | ||||
| Idioma ofizial | Turco otomán | ||||
| Relichión | Islam | ||||
| Gubierno | Monarquía | ||||
| Moneda | Lira turca | ||||
O Estato Otomán (en turco otomán دولتِ عَليه عُثمانيه, Devlet-i Aliye-i Osmaniye; en turco muderno Osmanlı Devleti), más á sobent dito Imperio Otomán (en turco Osmanlı İmparatorluğu), estió una potenzia imperial situata en a suya mayor parti arredol d'a ribera d'a Mar Mediterranio, e que esistió en o periodo de tiempo entre 1299 e 1922. En l'inte de más amplaria, o sieglo XVII, o imperio encluyiba tota la peninsula d'Anatolia, Orient Meyo, colonias en o Norte d'Africa, a mayor parti d'os territorios situatos en a francha que ba dende o sureste d'Europa (Balcans, Grezia, Bulgaria, Rumanía) á lo Caucaso en o norte. En total teneba un aria de bels 20 millons de quilometros cuadratos, encara que a mayor parti no yera baxo control dreito d'o gubierno zentral. As posesions d'o Imperio se trobaban entre Orient e Oczident por lo que mientres d'os suyos seis sieglos d'istoria as suyas relazions internazionals estubioron enfluyenziatas por iste feito.
