Imperio Latín de Costantinoble

De Biquipedia
Ir ta: navego, busca
Imperium Romaniae
Imperio Latín de Costantinoble
Flag of Palaeologus Emperor.svg 1204 — 1261 Flag of Palaeologus Emperor.svg
Escudo d'armas
Situación de
O Imperio Latín con os suyos vasallos (Reino de Salonica, Ducato d'Atenas y Principato d'Acaya) y os estatos sucesors griegos (o Imperio de Nicea, o Dispotato d'Epiro y o Imperio de Trapisonda) dimpués d'a partición d'o Imperio bizantín, c. 1204. As mugas son qüestionables.
Capital Costantinoble
Idioma oficial
 • Atros idiomas
Latín y francés antigo
Griego
Relichión Catolicismo (oficial)
Griega ortodoxa (popular)
Gubierno Monarquía

En 1204, os caballers d'a Quatrena Cruzata establioron un estato cruzato conoixito como Imperio Latín u Romanya, con base en Costantinoble, dimpués de saqueyar a ciudat. Se proclamaban como os sucesors cristians d'o Imperio Bizantín. Balduín IX, conte de Flandres, fue coronato como o suyo primer emperador o 16 de mayo de 1204.

A denominación latina d'o emperador yera Imperator Romaniae, u Emperador de Romanya. O nombre no teneba garra relación con o estato homofono actual; ye a forma latina d'o títol d'Emperador Bizantín, a qui o emperador latín esperaba reemplazar. O Imperio Bizantín nunca no se dició d'esta traza y o títol d'emperador yera Basileos Rhomaion, u emperador d'os romans. Esto produció o curioso efecto que en Europa i heba a lo mesmo tiempo tres imperios romans, estando-ne atro o Sacro Imperio Román-Chermanico.

O Imperio Latín reclamó totas as tierras controlatas por o Imperio Bizantín en l'inte que Costantinoble fue conquiesta y exercioron control sobre arias de Grecia (os Estatos Cruzatos: o Reino de Salonica, o Principato d'Acaya, o Ducato d'Atenas. Manimenos a mayoría d'o territorio permaneixió en mans d'estatos rivals dirichitos por aristocratas d'o imperio antigo, como o Dispotato d'Epiro, o Imperio de Nicea y o Imperio de Trapisonda. Os parients de Balduín luitoron por muitas anyatas por os suyos dominios. O Imperio Latín de Costantinoble remató o 25 de chulio de 1261 quan Miguel VIII Paleologo reconquirió Costantinoble derrocando a lo zaguer emperador latín Balduín II.

Os hereus de Balduín II siguioron fendo servir o títol d'Emperador de Costantinoble por un sieglo, y se veyeban como teoricos duenyos d'estatos latins en a Mar Echea.