Ilesia de Chesucristo d'os Santos d'os Zaguers Días

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Templo de Salt Lake City en Utah
El Plan de Salvacion (Espanol)

A Ilesia de Chesucristo d'os Santos d'os Zaguers Días, conoixida popularment como ilesia mormona, ye una congregación relichiosa cristiana fundada por Joseph Smith en o estau de Nueva York, Estaus Unius, en l'anyo 1830. Os suyos fidels siguen as amostranzas de Chesucristo, pero no se consideran parte d'as tres versants tradicionals d'o cristianismo (catolicismo, ilesias ortodoxas ni protestantismo), sino mas bien una restauración d'o cristianismo primitivo, ya que en opinión d'os suyos adherents iste apostató dimpués d'a muerte de Sant Per y os atros apostols.

Ye tamién a branca mas gran d'o movimiento d'os Santos d'os Zaguers Días y continó dimpués d'a muerte de Smith por Brigham Young en o territorio d'Utah. A la vegada fuoron surtindo atras corrients entre os seguidors de Smith, como por eixemplo, a Comunidat de Cristo, con os suyos propios presidents y congregacions. Tamién han surtiu bellas brancas fundamentalistas y consideradas apostatas, entre as que se troban as poligamas, encara que denguna d'istas agrupacions de conchunta con as suyas doctrinas y ritos son refirmaus por a Ilesia de Chesucristo d'os Santos d'os Zaguers Días.

En os Estaus Unius, os Santos d'os Zaguers Días (SZD) u "mormons" se troban espardius por tot o país, pero a suya presencia ye muit notoria en o estau de Utah, a on constituyen a mayoría d'a población, con arredol d'o 60%. A capital d'o estau, Salt Lake City, ye o centro relichioso y espiritual d'os Santos d'os Zaguers Días, parellán a o Vaticano ta os catolicos. En ixe estau tamién se troban o Coro d'o Tabernaculo Mormón, a Universidat de Brigham Young y atras institucions patrocinadas por a ilesia.

A Ilesia de Chesucristo d'os Santos d'os Zaguers Días se caracteriza por a suya esfensa cerenya d'a familia tradicional (pai, mai y fillos) y os suyos liders afirman que os miembros que se han casau en o templo tienen a taxa mas baixa de divorcios d'o país. O liderache no recibe remuneración por os suyos servicios y a ilesia afirma ser transversal, ye dicir, que no distingue ni etnias, ni clases socials, ni profesions. Actualment conta con 14 millons de miembros repartius en diferents países, incluindo Latinoamerica y Europa, establindo congregacions y templos a traviés d'o mundo. Os Santos d'os Zaguers Días creyen que Chesucristo guía a Ilesia por revelación divina dada a o President d'a Ilesia, a qui consideran un profeta. Entre éls i hai arredol de 52.000 misioners (a mayoría d'entre 19 y 21 anyos d'edat), que realizan l'actividat de pedricadors mientres dos anyos (as mullers sirven misions d'anyo y meyo, y os matrimonios mayors tres anyos). O mormonismo ha experimentau un gran creiximiento en América Latina en os zaguers anyos, mas que mas en Chile, Archentina y Brasil. En Europa s'han establiu brancas en cuasi toz os países.

Amás d'a Biblia, a Ilesia tien como base atros tres libros: O Libro de Mormón, Doctrina y Convenios y A Perla de Gran Pre, os cuals, en conchunto, composan o cuerpo doctrinal d'a Ilesia y son consideraus por os Santos d'os Zaguers Días d'orichen y inspiración divina.