Idioma eslovincio

De Biquipedia
Ir ta: navego, busca
Eslovincio
Słowińskô mòwa
Atras denominacions: {{{atras denominazions}}}
Parlato en: Polonia
Rechión: {{{rechión}}}
Parladors: 0 (†)
Posición: [1] (Ethnologue 1996)
Filiación chenetica: Indoeuropea

 Eslava
  Occidental
   Lequitica
     Eslovincio

Estatus oficial
Oficial en:
Luenga propia de: {{{propia}}}
Reconoixito en: {{{reconoixito}}}
Regulato por: Sin de regular
Codigos
ISO 639-1 -
ISO 639-2 sla (luengas eslavas)
ISO 639-3 [2]
SIL

O eslovincio ye un idioma d'o grupo d'as luengas lequiticas, una branca d'as luengas eslavas occidentals (chunto con o caixubo, o polabo, o polaco y o pomeranés) formando con o caixubo un subgrupo dito d'as luengas pomeranas. Actualment amortato, se charraba d'antis más en a rechión d'a Pomerania, en a redolada que se troba entre o laco Gardno y o laco Lebsko y a o canto d'a mar Baltica.

A luenga s'amortó a prencipios d'o sieglo XX, quan os habitants d'a redolada, baixo control en ixe inte d'o Imperio alemán, fuoron chermanizatos y sustituyoron a suya luenga materna por a variedat baixo saxona d'a luenga alemana en un proceso que ya heba prencipiato bells sieglos enantes, y que los fació esdevenir alemans de Pomerania. Encara que chicotz grupos de presonas continaron fendo-ie emplego dica, alto u baixo, a Segunda Guerra Mundial, a codesión d'a luenga ya no existiba, y s'extinguió de raso quan en rematar la guerra Polonia s'anexionó o territorio y forachitó a la mayor parti d'a suya población ta sustituir-la con colons d'orichen polaco que heban estato forachitatos d'os territorios orientals d'o país, a l'este d'a dita linia Curzon (que por los alcuerdos de Polonia con a Unión Sovietica fuoron anexionatos por ixe país, adibindo-los a l'actual Belarrusia). Os colons que hi plegoron gosoron tractar a los eslovincios como alemans y d'os suyos dreitos cevils, de ciudadanía y de nacionalidat Polonia lis en privó, sin dixar-les optar a la nacionalidat polaca, dica que a quasi totalidat d'os suyos descendients emigroron a l'antiga Alemanya Occidental en zaguerías d'os anyos 1980. Os zaguers fablants d'a luenga ya nomás podeban emplegar-la ta conversas muit simplas.

Yera una luenga prou amanata d'o caixubo, tanto que bells especialistas dicen que no yera una luenga (á sobén son lingüistas polacos), y que os eslovincios no yeran en realidat nomás que caixubos de relichión luterana, a diferencia d'os caixubos que a ormino yeran de relichión catolica. Mesmo se diz que os fablants d'a luenga no se reconoixeban entre ells como eslovincios, y que o nombre por o qualo en son hue conoixitos lis fue atorgato por o lingüista ruso Aleksander Hilferding. Sindembargo, cal parar cuenta que eslovincio ye o termin emplegato a ormino en a literatura scientifica y historica, y que mesmo en l'actual Polonia o nombre contina emplegando-se ta bellas referencias cheograficas. En fació a determinación d'os suyas reglas chenerals o lingüista y eslavista Friedrich Lorentz, especialista en o eslovincio, o caixubio y o pomeranés.

Se veiga tamién[editar | editar código]