Idioma chagatai
| Chagatai |
||
|---|---|---|
| Atras denominacions: | ||
| Parlato en: | Asia Central, Corastén | |
| Rechión: | ||
| Parladors: | luenga muerta | |
| Posición: | {{{rank}}} (Ethnologue 1996) | |
| Filiación chenetica: | Luengas altaicas |
|
|
|
||
| Oficial en: | ||
| Luenga propia de: | {{{propia}}} | |
| Reconoixito en: | {{{reconoixito}}} | |
| Regulato por: | ||
|
|
||
| ISO 639-1 | ||
| ISO 639-2 | chg | |
| ISO 639-3 | chg | |
| SIL | ||
O chagatai estió una luenga turquica que se parlaba en Asia Central en a Edat Meya y esdevinió a primera luenga literaria d'a familia turquica. Tenió muita importancia en tiempos de Tamerlán y estió tamién a luenga d'a clase dirichent en o Imperio Mogol d'A India. Ye una luenga relacionata con os standards actuals uigur y uzbeco.
Denominación[editar]
A denominación de chagatai ye por parlar-se y escribir-se en o Khanato Chagatai, estato que naixió en Asia Central como evolución d'o herencio de Chagatai Khan, fillo de Chinguis Khan.
Historia[editar]
Encara que tienga a denominación de chagatai, a luenga chagatai existiba ya enantes d'o Khanato Chagatai y Chagatai Khan. Lo suyo orichen estió quan arredol de l'anyo 1000 quan muitos turquicos de Transoxiana y Caixgar s'islamizoron y se creyó una nueva luenga literaria escrita en alfabeto arabe y con contenitos musulmans. Dica fins d'o sieglo XVI estió a gran luenga literaria turquica y a luenga que prenioron muitos habitants d'Asia Central en a Edat Meya.
Estió a luenga literaria d'os pueblos turquicos d'Asia Central u Turquestén dica as reformas lingüisticas que se facioron en o periodo sovietico, que conducioron a la creyación de diferents standards lingüisticos pa as diferents etnias y/u nacions turquicas (uzbeco, cazaco, turkmenio, ecetra). Os uzbecos consideran a lo idioma chagatai como idioma uzbeco y a la literatura chagatai como part d'a suya literatura.
