Iberoinsular
De Biquipedia
Iberoinsular ye un termín introduzito por Joseph Deniker en las clasificazions razials, que se refiere á lo fenotipo mediterranio grázil u dolicozefalos morenos cachos con güesos delgatos.
L'aria on predomina u se troba més á sobent este fenotipo ye la Peninsula Iberica (menos en Lebant), zonas d'Oczitania (no en lo Mazizo Zentral on predomina lo fenotipo alpín), islas mediterranias (Corzega, Sezilia, Zerdeña, Balears). Tamién bi n'ha representants en Grezia, pero difízils de trobar bien porque los caráuters d'os iberoinsulars son entre meyo d'atros tipos razials.
L'antropologa franzesa Paulette Marquer, diszipula de Vallois la describe asinas:
- Pigmentazión escura.
- Altaria inferior á la meyana umana (de la epoca de P. Marquer): 1,63-1,64 m.
- Estrutura grázil con tronco luengo, toras amplo e miembros delgatos e curtos.
- Capeza dolicozefala que puet plegar ta mesozefala, con endizes zefalicos de 72 dica 75.
- Rostro obalato, largo e estreito.
- Nariz delgata, leptorrina, con dorso rectilinio e punta delgata.
- Labios prou grans.
- Boca e orellas chicotas.
En la clasificazión de Bertil Lundman los iberoinsulars son ditos mediterranios ozidentals; l'antropologo Carleton S. Coon clama á los iberoinsulars mediterranios chicoz.
Seguntes los estudeyos paleoantropolochicos feitos en Aragón por José Ignacio Lorenzo, este fenotipo ya ye present en Tergüel e Bal de l'Ebro dende lo neolitico. Entre los presonaches famosos que responden á este fenotipo bi ye Penelope Cruz.
[editar] Referenzias
- José Ignacio Lorenzo Lizalde. PALEOANTROPOLOGÍA DE LA POBLACIÓN ARAGONESA EN EL NEOLÍTICO Y EDAD DEL BRONCE. Aragón-litoral Mediterráneo : intercambios culturales durante la prehistoria : en homenaje a Juan Maluquer de Motes / coord. por María del Pilar Utrilla Miranda, 1992, ISBN 84-7820-131-9, pags. 619-630
- José Ignacio Lorenzo Lizalde. LA PALEOANTROPOLOGÍA TUROLENSE. Teruel: Revista del Instituto de Estudios Turolenses, ISSN 0210-3524, Vol. 80-81, Nº 1, 1989‑1990, pags. 65-137
- Paulette Marquer. LAS RAZAS HUMANAS. Alianza Editorial. 1973
