Hispano Carrocera
| Tata Hispano Motors Carrocera S.A. | |
|---|---|
 Logo entre 1993 y 2010 |
|
| Datos chenerals | |
| Eslogan | {{{slogan_interpresa}}} |
| Establimiento | 1939 (como Talleres Nápoles) 1983 (como Hispano Carrocera SAL) |
| Localización |  Zaragoa, Aragón |
| Enfiladors | {{{enfiladors}}} |
| Industria | Carrocería |
| Productos | Autobuses, autocars y trolebuses |
| Beneficios | {{{reuto}}} |
| Emplegatos | {{{emplegaus}}} |
| Pachina web | www.TataHispano.com |
Tata Hispano Motors Carrocera S.A. (d'antis Hispano Carrocera S.A. y mes conoixita como Hispano Carrocera u Tata Hispano) ye una interpresa aragonesa, una d'as mayors carroceras d'autobuses, autocars y trolebuses d'Europa. Dende 2009, ye completament filial d'o conglomerato indio Tata Motors.
Antimás d'a suya planta principal en a ciudat de Zaragoza (vico rural d'a Cartuixa Baixa), Hispano Carrocera tien un atra fabrica en Casablanca (Marruecos). Bells d'os productos d'Hispano Carrocera (como Habit u Divo) han estato disenyados por Studi Pininfarina.
Historia [editar]
Os orichens d'a interpresa surchen quan o napolitán Vicenzo Angelino Gervasio funda en Zaragoza (en l'anyo 1939) os Talleres Nápoles, una chicota interpresa adedicata a la reparación de cambions d'a postguerra. Dimpués d'o exito comercial d'a cabina unica de cambión disenyata por Angelino Gervasio, a companyía se estableixe en una nueva nau d'uns 3.000 m² y en 1958 fabrica o suyo primer autobús.
En 1962, a companyía se treslada atra vegata ta unas nuevas instalacions en a Carretera N-II, esdevenindo en Factorías Nápoles S.A. y prencipiando a vender os suyos propios productos baixo a suya propia marca, Nazar. Sindembargo, en 1964 problemas financiers provocan que Angelino Gervasio deixe a companyía, que cambeya o suyo nombre a Fabricaciones Industriales S.A..
En 1966, a interpresa pasa a fer parti de Barreiros Diesel S.A., que a la vegata ye mercata por Chrysler en 1969, formando Chrysler España S.A.. A parte de carrocería d'autobuses de Chrysler España fue vendita a la interpresa belga Van Hool en 1971. En 1983, a mayoría d'os treballadors de Van Hool esdevienen en propietarios d'a fabrica, transformando-se en Sociedat Anonima Laboral y cambeyando o suyo nombre por Hispano Carrocera S.A.L..
En 1992, Hispano Carrocera se tresladó ta unas nuevas instalacions en o vico d'a Cartuixa Baixa (ciudat de Zaragoza) y en 1993 o grupo mexicán CAPRE merca a interpresa (esdeviniendo en Hispano Carrocera S.A.).
En 2005, Tata Motors adquiere o 21% d'o capital d'a companyía y en 2009 o 79% restant, por meyo d'a execución d'una opción de crompa pre-eixistent. L'1 de marzo de 2010, a interpresa pasa a estar Tata Hispano Motors Carrocera S.A..
Vinclos esternos [editar]
Se veigan as imáchens de Commons sobre Hispano Carrocera.- (en)(es)(fr)www.TataHispano.com, pachina web oficial.
