Hidrato de carbonio

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
O zucre ye un alimento rico en glucidos.

Os hidratos de carbonio u glucidos son biomoleculas organicas formatas por carbonio, hidrocheno y oxicheno. Os monomers basicos d'os glucidos son os monosacaridos, de formula empirica CnH2nOn, ye dicir (CH2O)n, por o que se creyeba que yeran atomos de carbonio unitos a moleculas d'augua, u "carbonio hidratato" d'on que se derivo lo suyo primer nombre, "hidratos de carbonio"; os dos zaguers elementos se troban en os glucidos en a mesma proporción que en l'augua, d'aquí viene o suyo nombre d'hidratos de carbonio, encara que a suya composición y as suyas propiedaz no corresponden con ista definición. Encara que dende fa tiempo se sape que ixo no ye verdat, continan emplegando-se de traza inexacta os termins d'hidrato de carbonio y carbohidrato ta designar-los (mas que mas en dietetica).

A realidat ye que os monosacaridos son formatos por una curta cadena de carbonios (de tres a siet), un d'os cuals leva un grupo carbonil y a resta grupos hidroxil (-OH) y atomos d'hidrocheno.

Os hidratos de carbonio u glucidos se pueden clasificar seguntes o numero de monomeros u unidaz moleculars que los forman. Os monosacaridos presentan un solo monomero. Os disacaridos son formaus por dos monomeros u monosacaridos[1], os oligosacaridos son formaus por un numero mes gran (por un regular entre tres y diez monosacaridos), y os polisacaridos (mas de diez, a sobén mils). Seguntes clasificacions cambian os limites entre ixas categorías, os disacaridos se considerarían una clase de oligosacarido y os polimeros de 20 monosacaridos s'asimilarían a los oligosacaridos.

Monosacaridos[editar | modificar o codigo]

Os monosacaridos son polialcohols con un grupo cetona u aldeído. Estos grupos pueden reaccionar con grupos alcohol d'a mesma molecula y fer que a molecula prenga una forma ciclica, que será un hemicetal u un hemiacetal respectivament.[1]

Os monosacaridos son solubles en augua, dulces y cristalizables. Os cristals de monosacaridos pueden caramelizar cuan si los escalfamos prou.

Entre os monosacaridos con 6 atomos de carbonio destacan a glucosa, a fructosa y a galactosa.

Vinclos externos[editar | modificar o codigo]

  1. 1,0 1,1 (es) Rafael Sendra, Xavier Varela: Biología. Editorial Ecir, 2003, p 30, p 33.