Hera
 |
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario. |
Hera (en griego antigo Ἥρα Hēra, u equivalentment Ἥρη Hērē en chonico y griego homerico) lechitima esposa de Zeus y una d'as tres chirmanas de Zeus en o panteón olimpico d'a mitolochía griega clasica. A suya prencipal función yera como diosa d'as mullers y o matrimonio. A suyo equivalent en a mitolochía romana yera Chuno. Se le sacrificaban a vaca y mas tarde o pavo reyal. A suya mai yera Rea y o suyo pai Crono.
Se represienta a Hera machestuosa y solemne, a ormino en o trono y coronada con o polos (una alta corona cilindrica usada por quantas d'as Grans Diosas), podendo levar en a suya man a mengrana, simbolo d'a fertil sangre y a muerte. L'investigador Walter Burkert escribió en Relichión griega: «Manimenos, i hai rechistros d'una representación anterior sin iconos, como una columna en Argos y una tabla en Samos.»
Hera fue conoixida por a suya naturaleza vengativa, prencipalment contra as amants y a descendencia de Zeus, pero tamién contra os mortals con las que se cruciaba, como Pelias. Paris, qui la ofendió en esleir a Afrodita como a diosa mas bella, se ganó asinas o suyo odio.
