Hector

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

Casandra ofrindo una libación a Hector.

En a mitolochía griega, Hector (d'o griego ῝Εκτωρ) estió un principe troyano encargau, en a Guerra de Troya, d'a esfensa d'a ciudat frent a las hostilidatz d'os aqueus, dica a suya muerte a mans de Aquiles.

Familia

Hector yera fillo primochenito d'o rei troyano Priamo y d'a reina Hecuba, y chirmán de Paris y Casandra. Yera casau con Andromaca, filla d'o rei d'os cilicios, con qui tenió un solo fillo, Astianacte.

Actuación en a Guerra de Troya

Hector ye un d'os personaches prencipals en o poema homerico d'a Ilíada. Como comandant d'as fuerzas d'a ciudat de Troya, a suya contribución a la resistencia frent a l'exercito griego estió decisiva. En a obra, Hector se sitúa como o personache antagonista d'Aquiles, amás d'en o campo de batalla, en o caracter. Mientres que a Ilíada prencipia fendo referencia a Aquiles, remata con a muerte d'Hector.

Reticencias d'Hector a las hostilidatz

Manimenos estió o guerrero mas temiu por os suyos enemigos, Hector no aprebó a guerra entre griegos y troyanos. Al observar como Paris priva-se combatir con Menalau, le diz que no luite dimpués d'haber causau tantos problemas a la patria. Por tanto, Paris proposa enfrentar-se a Menalau en combate singular, o vencedor del qual s'habría de quedar-se con Helena y metería fin a la guerra.

Os griegos atacan y obligan a os troyanos a retirar-se, por la qual cosa Hector debe salir y liderar o contraataque. Quan se disposa a travesar as puertas d'a ciudat, a suya esposa Andromaca, con Astianacte en os brazos, lo detiene y le suplica, en o suyo nombre y en o d'o suyo fillo, que no salga. Hector sabe que Troya y a casa de Príamo son condenadas, y que os suyos destins serán a muerte u a esclavitut en un país extranchero. Ell le explica que no puede dexar la luita, y la aconsola con la ideya que dengún podrá matar-lo dica que plegue a suya hora. O brilo d'o yelmo de bronce espanta a Astianacte y lo fa plorar. Hector se lo saca, abraza a la suya familia, y pide a Zeus que o suyo fillo pueda plegar a convertir-se en caudillo y obtener mas gloria en a batalla que ell.

Hector y Ayax

Hector y Paris traviesan as puertas y reagrupan a os troyanos, provocando estragos entre os griegos. Al comunicar-le o suyo chirmán Heleno (con dotes endivinatorias) que no yera o suyo destín morir encara, Hector desafía a qualsiquiera d'os griegos a un combate singular. Al prencipio, os aqueus s'amuestran reticents, pero dimpués d'estar represos por Néstor, nueu griegos s'ofreixen y sortean quí d'entre ells s'enfrentará a o troyano. Ayax Telamón ye esleiu y luita con Hector entre tot o día, estando totz dos incapaces d'obtener a victoria. Al rematar o duelgo, cada rival expresa a suya admiración por a valor y l'habilidat d'o atro. Hector regala o suyo espada a Ayax (que acabaría usando-la ta suicidar-se), y iste fa lo propio con o suyo cinturón.

Totz dos bandos pactan una tregua ta enronar a os muertos. Ista tregua ye aprofitada por os griegos ta construir una muralla y ubrir un foso arredol d'as naus.

Acoso a o campamento griego

Os troyanos empentan a os griegos dentro d'o suyo campamento dimpués d'a empalizada, y son a punto d'aconseguir as naus, pero Agamenón reagrupa l'exercito griego y refusa l'ataque. a nueit caye y Hector decide atacar o campamento enemigo y cremar as naus a l'atro día.

Dimpués d'una resistencia inicial, as tropas troyanas abanzan ent'as naus. Diomedes y Odiseo obstaculizan a Hector y ganan tiempo t'a retirada, entre que os troyanos tractan d'espaldar a empalizada. Hector truca as puertas con una gran piedra, y ordina a o suyo exercito escalar o muro.

a batalla se treslada a l'interior d'o campamento griego. Hector ye aconseguiu por una piedra lanzada por Ayax, pero Apolo le da fuerzas. Finalment, Hector plega dica a nau de Protésilas y ordina cremar-la, pero Ayax fa fracasar totz os intentos.

Hector y Patroclo

Debant d'a periglosa ofensiva troyana, as esperanzas griegas se reducen a que Aquiles retorne a la luita. Manimenos, o héroe griego se mantiene indiferent manimenos as súplicas d'as suyas aliatos, por la qual cosa o suyo companyero, Patroclo, decide vestir-se con a suya armadura y meter-se a o mando d'os mirmidones. Entre la luita, Patroclo ye feriu por Euforbo y muerto por Hector.

Hector toma a armadura d'Aquiles y ordina a retirada d'o combate, privando combatir contra Ayax por o cuerpo de Patroclo. Al saber Aquiles d'a muerte de Patroclo, este clama venganza y accepta tornar a la luita.

Redota y muerte

A l'atro día, Aquiles y os griegos abanzan empentando a os troyanos ent'a ciudat. Hector s'espanta y se mezcla entre as tropas por consello d'o dios Apolo. Pero dimpués de dar muerte Aquiles a Polidoro, chirmán d'Hector, iste deixa de amagar-se y acude a o enfrentamiento. Nuevament, Apolo aduya a Hector, retirando-lo d'o combate.

En a retirada a la ciudat d'as tropas troyanas, Hector queda difuera d'as puertas y ye acazau por Aquiles. Dan tres tornadas a las murallas dica que Atena, en a forma de Deifobo, enzuriza a Hector a plantar cara a Aquiles.

Hector pide a Aquiles que s'honre o calavre d'o perdedor, pero o griego refusa qualsiquier tracto. Finalment Aquiles mata a Hector, clavando-le la lanza en la base d'o cuello, o solo puesto desprotechiu por o suyo armadura.