Hasemania nana

De Biquipedia
Ir ta: navego, busca
Hasemania nana
Kobbertetra Hasemania nana.jpg
Hasemania nana
Estato de conservación
Status iucn3.1 LC es.svg
seguro
Clasificación scientifica
Dominio: Eukaryota
Reino: Animalia
Filo: Chordata
Clase: Actinopterygii
Orden: Characiformes
Familia: Characidae
Chenero: Hasemania
Especie: H. nana
Nomenclatura binominal
Hasemania nana
Lütken, 1875

Hasemania nana (Lütken, 1875) ye una especie de peix d'augua dulza en a familia Characidae, d'entre 4,5 y 5 cm de lonchitut en os exemplars adultos, nativo de qualques ríos de l'area amazonica d'o Brasil, que en l'actualidat se reproduce y comercializa muit asobén como peix tropical ornamental. En estato silvestre s'ha documentato la suya presencia en os ríos Puré (Colombia y Brasil) y São Francisco (Brasil).

En Espanya, se'l comercializa con a denominación popular de «Tetra de cobre», literalment Tetra d'arambre, encara que perque ye la especie más popular d'o chenero Hasemania, asobén tamién se la troba con o nombre de «Hasemania». En a literatura anglosaxona sen gosa decir Silvertip tetra[1]tetra de puntas d'archent») en referencia a la coloración d'as suyas aletas.

Como miembro d'a familia Characidae, o chenero Hasemania ye una excepción perque no tienen aleta adiposa (ixo ye, una aleta chiqueta que la resta d'especies tienen en a esquerna, d'entre l'aleta dorsal y a caudal). Tienen bella cosa de dimorfismo sexual, estando as fembras una mica más grisas que no os masclos, que son de color d'arambre bien vitarisca. Tanto en os masclos como en as fembras, as aletas dorsal, anal y as dos puntas de l'aleta caudal tienen malletas blancas en os extremos, y a demés, presentan una faixa negra lonchitudinal en a zaguer parte d'a coda, que se prolarga dica dintrar-se en l'aleta caudal. Bells autors dan, a demés, como clau identificadera d'os dos sexos, a malleta de color clara en a punta de l'aleta anal, que sería más amarellisca en as fembras que no en os masclos.[1]

Se troban en auguas d'entre 5 y 7 puntos de Ph, leverament acidas, con dureza Gh d'entre 8 y 9 ºd (augua suaument tova, con pocos carbonatos). En a mayoría de provincias d'Espanya, que l'augua ye calsinosa, se recomienda de fer una mezcla d'augua corrient con augua mineral ta preparar l'aquario, no pas con augua de grifo sola perque ixa gosa estar masiato dura. Pueden tener problemas de salut si se's mantiene prolargadament per debaixo d'os 20°C de temperatura, estando as suyas temperaturas climax d'entre os 24 y os 26°C.[1] Per alto d'os 28 °C tamién se's pueden presentar problemas de salut. En esta especie, a baixada d'a dureza de Gh les afecta como un desencadenador d'a freza, y se's induz con una dureza de carbonatos d'entre 1 y 4 ºd,[1] per el que d'entre 8 y 9 graus de dureza Gh les la mantiene inhibita, y per alto d'os 9 puntos les fa mal a la salut.

Son peixes de cardumen, ixo ye, que nadan en grupos de mida variable en a naturaleza (un cardumen no ye igual como una bancada de peixes). En cautividat, ta no contravenir a naturaleza gregaria d'a suya especie, no se'n habría de mantener exemplars solos, car como en totas as especies de cardumen a soledat les causa estrés comportamental y les fa tornar-se amagadizos. Una buena imitación de biotopo d'aquario ta istes animals ye un diposito plantato con buena densidat de plantas aquaticas,[1] pos ye el que millor s'asemella en o suyo habitat natural.

Anque en a mayor parte d'a bibliografía se cita ista especie como que ye tranquila y pacefica, bellas experiencias particulars dan información que en presencia d'altras especies de mida parellana u más chiqueta, u talment per elevadas densidatz de población de peixes en os aquarios afectatos, pueden manifestar conductas territorials que no se solen descrebir en os libros, y os exemplars de Hasemania nana gosan dica encorrer a las altras especies más paceficas.[2]

Hasemania nana ye una especie que ha sofierto cambeus en a suya claseficación taxonomica. Sen considera nombres obsoletos, anque sinonimos, ta ista especie: Tetragonopterus nanus, Hemigrammus nanus y Hasemania marginata.[1]

Imáchens[editar | editar código]

Referencias[editar | editar código]

  1. 1,0 1,1 1,2 1,3 1,4 1,5 (es) Dentrada Hasemania nana en o portal www.Dr. Pez.net. Consultato lo 17 de febrer de 2010
  2. (es) ETSCHEIDT, Jutta. El Gran Libro del Acuario de agua dulce. Tikal ediciones. ISBN 978-84-3058-773-5

Vinclos externos[editar | editar código]