Hangzhou

De Biquipedia
Ir ta: navego, busca
Hangzhou
Localidat de China
Anvista d'a ciudat dende o lago de l'Ueste.
Estato
 • Municipalidat
Flag of the People's Republic of China.svg China
Zhejiang
Superficie 16,847 km²
Población
 • Total
 • Densidat

8.700.400 hab. (2010)
1,214 hab/km²
http://www.hangzhou.gov.cn/


Hangzhou (en chinés: 杭州, pinyin: Hángzhōu, transcripción antiga: Hangchow) ye a capital d'a provincia de Zhejiang, en a Republica Popular d'a China. A suya aria metropolitana tien una población superior a os seis milions d'habitants (2003), encara que a población resident censada ye de 2.636.700 habitants. Ye situada a o canto d'o riu Qiantang y buega con o lago de l'Ueste (Xi Hu) y con a Gran Canal d'a China.

Historia[editar | editar código]

A ciutat ganó importancia mercés a la construcción d'a Gran Canal d'a China durant a dinastía Sui. Entre iste periodo se contruyó a muralla d'a ciutat. Estió a capital d'a dinastía Song del sud. Dende l'anyo 1138 se tornó en un important centro de comercio, y a industria d'a ciudat s'especializó en a porcelana y os textils.

O explorador Marco Polo visitó Hangzhou a zaguers d'o sieglo XIII y en dició que yera «a ciudat mas sumptuosa y elegant d'o mundo». Dica a dinastía Ming estió un puerto important. Dende ixe periodo, y como conseqüencia d'os continos ataques d'os piratas chaponeses, Hangzhou perdió importancia. En 1555 a ciudat fue saqueyada por os piratas, y en 1861 recibió l'ataque d'os rebels d'o Reino Celestial de Taiping, que prenioron a ciudat y la saqueyoron. As tropas imperials no recuperoron Hangzhou dica 1863, dimpués d'un conflicto que causó mas de meyo milión de baixas entre a suya población.

Clima[editar | editar código]

Hangzhou tien un clima con hibiernos fredos y veranos muito calurosos. A temperatura meya en o mes de chuliol ye de 33 graus centigraus, y a meya d'o mes de chinero ye de 8 graus centigrados.

Economia[editar | editar código]

As industrias tradicionals de Hangzhou son a maquinaria, a textil y a d'a seda, y en zaguers se i ye desembolicando con rapideza a industria electronica, mas que mas dimpués d'o cambio de sistema economico d'o país dende 1992. A ciudat s'ha convertida en uno d'os destins toristicos mas visitaus d'o país, o qual ha provocau que una parte d'a economía se dedique a o sector servicios. En a rechión de Hangzhou tamién se i produz te verde; o te d'a zona ye apreciau en tot o país por a suya alta qualidat.


Vinclos externos[editar | editar código]