Halle (Saxonia-Anhalt)

Halle
	Localidat d'Alemanya
	; A ilesia de Sant Chuan en Halle.
Estato; • Estato federal; • Rechión; • Destrito	Alemanya; Saxonia-Anhalt; denguna (ciudat independient); dengún (ciudat independient)
Superficie	135,01 km²
Población; • Total; • Densidat	; 233 107 hab. (2012); 1.720,32 hab/km²
Altaria	87 m.
Alcalde	Bernd Wiegand
Ríos	Río Saale
	; Situación de Halle en Alemanya.
	www.Halle.de

Halle ye una ciudat alemana, en o estato federal de Saxonia-Anhalt, d'o qual ye una ciudat-destrito sin denguna dependencia con os destritos d'o estato.

A suya población ye de 233.107 habitants (2012) en una superficie de 135,01 km², con una densidat de población de 1.720,32 hab/km².

A localidat ye situata a o canto d'o río Saale, un afluyent d'o río Elba, a 87 metros d'altaria dencima d'o ran d'a mar.

Etimolochía[editar]

O nombre d'a ciudat ye d'orichen celta, y deriva d'a palabra hall, o nombre d'a sal en ixas luengas, por estar amanatas a Halle bellas menas d'ixe mineral.

Historia[editar]

Se conoix a construcción en 806 d'una chicota fortificación en o lugar, ta protecher os chacimientos de sal d'a redolada, que en ixas envueltas teneban una gran importancia economica.

Os millors momentos d'a historia d'a ciudat estioron os sieglos XIV-XVI, quan se i construyó o suyo castiello (o Moritzburg), que dica 1541 estió a residencia d'os bispes de Magdeburgo.

Sindembargo, a ciudat tenió muitos danyos mientres a Guerra d'os Treinta Anyos y tamién mientres a Segunda Guerra Mundial por os bombardeyos aerios d'os Aliatos.