Guerra d'as Comunidaz de Castiella

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Guerra de las Comunidaz de Castiella
[[]]
Los Comuners, Padilla, Bravo y Maldonado cuan los escabezaban. Antonio Gisbert Pérez, 1860.
Los Comuners, Padilla, Bravo y Maldonado cuan los escabezaban. Antonio Gisbert Pérez, 1860.
Información cheneral
Calendata: 15201522
Puesto: Corona de Castiella
Resultau: Bitoria d'a Corona
En conflicto
Comuners Corona de Castiella
Comandants
Juan de Padilla
Francisco Maldonado
Juan Bravo
Carlos I de Castiella

La revuelta y guerra de las Comunidaz de Castiella estió un alzamiento contra la Corona que se produció entre 1520 y 1522, protagonizato por las ciudaz interiors de la Corona de Castiella.

Bels historiadors la consideran como la primera revolución moderna, contra las pretensions de lo rei Carlos I de Castiella de cambear lo gubierno de la Corona, sacando-se poder a las Comunidaz de Villa y Tierra castellanas (las ciudaz) pa profundizar en la centralización de lo poder. Bels autors han considerato esta revuelta de los Comuners como la primera revolución moderna d'Europa. Atros la consideran como la zaguera prebatina de los castellanos en quedar-sen como en la Edat Meya y aturar l'abance de lo poder reyal, a lo que anyaden un component furo contra lo forano n'esta revuelta. Son de la primera opinión: José Antonio Maravall,[1] Julio Valdeón Baruque u o historiador francés Joseph Pérez,[2] autor de lo libro Los comuneros, y que talment siga lo millor esperto en lo mobimiento comuner.

Contra ellos, los partidarios de la segunda opinión esfienden que un mayor poder reyal ye garantía de modernidad, pus ye normal en la Edat Meya lo trestallamiento de lo poder y, en lo caso de la Corona de Castiella, que a los monarcas lis calese dende siempre refirmar-sen en las ciudaz (en las ditas "ciudaz con voto en Corz", que teneban un poder important por su dreito a participar en las Corz estamentals con lo ninvío de representants). Asinas doncas la Guerra de las Comunidaz podría haber estato una zaguera prebatina d'ixas ciudaz por mantener lo poder que heban acumulato en muitos sieglos y aturar lo desembolique de l'absolutismo.

Referencias[editar | modificar o codigo]

  1. Maravall, José Antonio. Las Comunidades de Castilla, 1979, Alianza Editorial, Madrid. ISBN 84-206-2227-3
  2. Pérez, Joseph. La revolución de las comunidades de Castilla (1520-1521), 1977, Madrid: Siglo XXI de Espanya. Orichinalment: La révolution des "Comunidades" de Castilla (1520-1521), Bordeaux: Institut d'Etudes Ibériques et Ibero-Américaines de l'Université, 1970