Guerra d'Independencia d'os Estatos Unitos

Guerra d'Independencia d'os Estatos Unitos
[[]]
Representación de quatre batallas destacatas: a batalla de Bunker Hill, a batalla de Quebec, a batalla de Cowpens, y a batalla d'o Cabo Sant Vicient
Información cheneral
Calendata: 19 d'abril de 1775 - 3 de setiembre de 1783
Puesto: Este d'Estatos Unitos, Territorio d'o Norueste, Canadá, badía de Hudson, Ocián Atlantico, Mar Mediterrania, Balears, Mar Caribe, Ocián Indico
Resultato: Tractato de París: o Reino Unito reconoix a independencia d'Estatos Unitos, cede Florida y Menorca a Espanya y Tobago a Francia; a Republica d'as Provincias Unitas cede Nagapattinam a o Reino Unito.
En conflicto
Estatos Unitos Reino de Francia Espanya Republica d'as Provincias Unitas Tribu d'os Oneidas (Confederación iroquesa) Tribu d'os Tuscaroras (Confederación iroquesa) Asociación Watauga Tribu d'os Catawbas Tribu d'os Lenapes	Reino Unito Leyalistas Prencipato d'Anhalt-Zerbst Prencipato d'Ansbach Electorato de Hanover Landgraviato de Hesse-Hanau Landgraviato de Hesse-Kassel Prencipato de Brunswick-Wolfenbüttel Prencipato de Waldeck-Pyrmont Confederación Iroquesa Cherokees
Comandants
George Washington Nathanael Greene Horatio Gates Friedrich Wilhelm von Steuben Gilbert du Motier de La Fayette Jean-Baptiste Donatien de Vimeur de Rochambeau François Joseph Paul de Grasse Pierre André de Suffren de Saint Tropez Bernardo de Gálvez Luis de Córdova y Córdova Juan de Lángara	William Howe Thomas Gage Henry Clinton Charles Cornwallis Guy Carleton John Burgoyne Francis Rawdon Benedict Arnold George Rodney Wilhelm von Knyphausen Joseph Brant

Se conoix con o nombre de Guerra d'Independencia d'os Estatos Unitos (American Revolutionary War u American War of Independence en anglés) a una guerra escaicita entre as Tretze colonias establitas en a costa occidental d'Estatos Unitos con a suya metropoli, o Reino Unito, contando os colons sublevatos con l'aduya d'o Reino de Francia, d'Espanya y d'a Republica d'as Provincias Unitas, y o Reino Unito con l'aduya de quantos chicotz territorios en Alemanya, incluyendo-ie l'Electorato de Hannover. Ta Francia y Espanya, yera una forma de continar con a Guerra d'os Siet Anyos (1756-1763). Antiparte, una parte d'os amerindios luitoron chunto con os colons sublevatos, y atros lo facioron en contra.

Encara que a situación politica yera muit tensa en as colonias dende meyatos d'os anyos 1760 y que o 5 de marzo de 1770 tropas regulars britanicas disparoron contra os manifestants civils en a Mortalera de Boston, se considera que a guerra stricto sensu escomencipió o 19 d'abril de 1775, quan marchoron de Boston (Massachusetts) tropas regulars britanicas ta destruyir un deposito d'armas en Concord, amán de Boston, y en o camín, en Lexington luitoron contra un chicot grupo de 70 milicians, redotando-los. En tornar ta Boston, fuoron hostigatos por grupos de milicians que lis facioron quantas baixas. A guerra remató en 1783 con o Tractato de París, seguntes o qual o Reino Unito reconoixeba a independencia d'Estatos Unitos, cedeba Florida y Menorca a Espanya y Tobago a Francia; antiparte, a Republica d'as Provincias Unitas cedeba Nagapattinam a o Reino Unito.

Vinclos externos

• Se veigan as imáchens de Commons sobre a Guerra d'Independencia d'os Estatos Unitos.