Guerra d'os Cient Anyos
| Guerra d'os Cient Anyos | |
|---|---|
| [[]] | |
 A batalla de Crécy (1346, ilustración d'as Cronicas de Jean Froissart. |
|
| Información cheneral | |
| Calendata: 1337 - 1453 | |
| Puesto: Principalment, Francia y os Países Baixos borgonyons | |
| Resultato: Victoria francesa; o reino d'Anglaterra pierde os suyos dominios feudals en l'actual Francia | |
| En conflicto | |
 Reino de Francia, Reino de Castiella, Escocia, Chenova, Bohemia, Reino d'Aragón y Reino de Mallorca |
 Reino d'Anglaterra, Borgonya Bretanya, Portugal, Navarra, Flandres, Hainaut, Aquitania y Luxemburgo |
| Guerra d'os Cient Anyos | |
| Guerra d'os Cient Anyos (1337-1360) • Guerra de Succesión de Bretanya • Primera Guerra Civil de Castiella • Guerra d'os Dos Peros • Guerra d'os Cient Anyos (1369-1389) • Guerra d'os Cient Anyos (1415-1429) | |
Se conoixe con o nombre de Guerra d'os Cient Anyos a o periodo 1337-1453, quan os reinos de Francia y Anglaterra luitoron entre ells en muitas guerras, separatas por treguas de breve durada.
A guerra entre os dos países escomenzó quan Eduardo III d'Anglaterra pretendió o trono de Francia, en estar nieto d'o rei Felipe IV O Bello de Francia, en contra de Felipe de Valois, que nomás en descendeba indirectament, per brancas femeninas.
O exercito anglés iba ganando a guerra a lo prencipio gracias a los arquers, que permitioron exitos en as batallas de Crécy (1346) y Azincourt (1415). Os angleses no pueden controlar por muito tiempo os territorios conquiestos por no tener refirme local (a diferencia d'os Plantachenet d'o sieglo XII yeran vistos como forans por a población). A unica rechión de Francia on bi ha un refirme cutiano a los angleses ye en Guyena.
Os franceses yeran desorientatos y en estato de guerra civil (armanyacs contra borgonyons), pero a hostilidat contra os angleses iba aumentando y Chuana d'Arco se n'aproveita.
Oficialment, a guerra d'os Cient Anyos remató con o tractato de paz sinyato en Picquigny (Picardía) o 29 d'agosto de 1475, encara que a historiografía prefiere a calendata de 1453, quan as tropas anglesas fuoron forachitatas de Francia (encara que no pas d'a ciudat de Calais, que continó en mans d'os angleses dica o sieglo XVI).
A guerra remató con a consciencia nacional separata d'os dos países, Francia y Anglaterra, que dica ixas envueltas compartiban muitas d'as suyas particularidatz culturals y churidicas, en estar a Casa Reyal anglesa d'orichen francés, encara que luitaban por o control de l'ueste y o norte de l'actual Francia, ye decir, Normandía, Bretanya, Maine, Anchú, Poitou y Guyena. Ta tentar de controlar istos territorios, dende 1159 dica 1240 ja bi n'heba habito luitas entre a Casa de Plantagenet anglesa y a Casa de Capeto franzesa, evolucionando os dos reinos dende una estructura politica feudal muit dividita enta una estructura más centralizata. Como en rematar ista primera luita no s'heba definito a situación d'o ducato d'Aquitania (posesión d'os reis d'Anglaterra pero infeudatos a o rei de Francia), y como entre os dos países intrigaban ta apoderar-se'n d'o condato de Flandres y d'o ducato de Bretanya, o luita no se podeba pas evitar, y a situación desembocó en a guerra ubierta entre ambas nacions.
Contenius |
[editar] A primera fase d'a guerra
Os capetos dreitos s'extinguen en 1328, y se planteya un problema de succesión. Os grans de Francia adrezan més a suya atención por Felipe de Valois por estar francés que por atros candidatos posibles como Eduardo III d'Anglaterra, nieto de Felipe o Fermoso.
Eduardo pareix acceptar-lo pero dimpués reivindica a corona y ataca. O rei Eduardo III s'enfrentaba con o rei de Francia tamién por a qüestión succesoria d'o ducato de Bretanya. O papa Climent IV ninvió como meyador amán d'a cort anglesa a Chuan Ferrández de Heredia, pero fracasa.
Os exitos melitars d'os angleses son importants: destrucción d'a flota francesa en L'Écluse, en Flandres en 1340, a victoria de Crécy en 1346, (en a que Chuan Ferrández d'Heredia luitaba a favor de Felipr VI y fue feito presionero), y de Piteus en 1356, on o rei de Francia Chuan o Bueno ye feito presionero. En 1360 por o tractato de Brétigny una Guyena asaber-lo d'eixamplata (muito més gran que a redolata de Burdeus, plegando dica Piteus y Cevenas), ye atribuita a lo rei d'Anglaterra a cambeyo de renunciar a la corona francesa. Sindembargo, Carlos V tien de condestable a lo bretón Bertrand du Guesclin y pronto reconquiere os territorios perditos. Enta 1375 os angleses no dominan que Calais, Ponthieu y as rechions de Bordeus y Bayona.
[editar] A segunda fase d'a guerra
S’establix un equilibrio frachil. A prencipios d'o sieglo XV bi ha dos clans franseses opuestos. Os armanyacs que son fuertes en o centro y sud y os borgonyons. Chuan o Bueno cede a un fillo suyo dito Felipe l'Atrevito o ducato de Borgonya, que fa una politica prou independient y convence a Carlos VI l'Ababol de que desherede a lo delfín Carlos VII en proveito d'Henrique V d'Anglaterra. Enrique V, que en 1415 ya heba vencito a la caballería francesa, tien asinas una enchaquia pa reviscolar a guerra.
En 1429 Chuana d'Arco libera Orléans, que yera asetiata por os angleses y fa coronar a Carlos VII en Reims, y dende ixe inte os angleses reblan y retaculan; en 1453 no conservan que Calais y a guerra remata.
Os duques de Borgonya han aproveitato pa asegurar-se a suya posición en una ampla zona entre o Sacro Imperio Román Chermanico y o reino de Francia, y poseyen o ducato de Borgonya, Flandres, Artois, Picardía. O ducato de Nevers ye en mans d'una branca menor d'a familia y o ducato de Bretanya gana a suya independencia. En o tot o sieglo XIV o Biarn se libera d'a sobiranía anglesa y francesa.
[editar] Bibliografía
- Jean Sellier: Atlas de los pueblos de Europa Occidental. Editorial Paidós.
[editar] Vinclos externos
Se veigan as imáchens de Commons sobre a Guerra d'os Cient Anyos.
