Grito de Dolores

De Biquipedia
Ir ta: navego, busca
Estatua de Miguel Hidalgo y Costilla en a frontera d'a ilesia de Dolores Hidalgo.

Se conoix con o nombre de Grito de Dolores (en castellán, Chilo de Dolores en aragonés) a lo escaicimiento que ye en l'alazetz d'a Guerra d'independencia de Mexico, que en ixe inte yera una colonia d'Espanya. Iste Grito de Dolores estió a clamata que fació Miguel Hidalgo y Costilla (con Ignacio Allende y Juan Aldama), un sacerdot mexicán, a los suyos parroquians o 16 de setiembre de 1810 ta que se sublevasen.

A clamata se fació en l'antigo lugar de Dolores, tocando a dita Campana de Dolores (iste lugar ye l'actual municipio mexicán de Dolores Hidalgo, en Guanajuato) dica la plegata d'os parroquians, quan Miguel Hidalgo fació un sermón que remató con as palabras ¡Viva la Virgen de Guadalupe!, ¡Abajo el mal gobierno!, ¡Viva Fernando VII!. (Viva a Virchen de Guadalupe!, Abaixo lo mal gubierno!, Viva Ferrando VII!). En realidat, se fació a clamata quan l'autoridat colonial espanyola d'o Visorreinato de Mexico ya heba descubierto a conspiración ta una sublevación, y ubrió una guerra por a independencia de l'actual Mexico que no remató dica o 27 de setiembre de 1827 con a sinyatura d'o Tractato de Córdoba, seguntes o qual Espanya reconoixeba a independencia de Mexico.