Gracián

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Gracián
Emperador de l'Imperio Romano

Busto de Gracián

375 - 383
Coronación 19 de chinero de 379
Predecesor Valentinián I
Succesor Valentinián II, Teodosio I

Naixencia 359
Sirmium, actual Sremska Mitravica
Muerte 25 d'agosto de 383
Lugdunum, actual León del Roine
Conchuche/s Flavia Maxima Constantia Laeta
Pai Valentinián I
Mai Marina Severa

Gracián estió un emperador de l'Imperio Romano d'Occident. Ye naixito en l'anyo 359 de Sirmium (Panonia) (actual Sremska Mitravica en Serbia) u o 18 d'abril u o 23 de mayo, y morió o 25 d'agosto de 383.

Estió emperador d'Occident dende l'anyo 375 dica l'anyo 383.

O 4 d'agosto de 367 fue proclamato Augusto por su pai. A la muerte de Valentinián I o 17 de noviembre de l'anyo 375 as tropas que i heba en Panonia proclamoron emperador a su chermanastro Valentinián II, que yera un nino muito chicot. Gracián se reservó l'administración de Galia y posó a Italia, Iliria y Africa baixo o mando de Valentinián y a suya mai, que s'establioron en Milán. Manimenos l'autoridat reyal la teneba Gracián.

O 9 d'agosto de 378 l'exercito romano oriental fue esconfito por os visigodos en a batalla d'Andrianoplin y morió l'emperador Valent, que yera o suyo tio. D'esta traza Gracián consiguió fer-se con o poder de l'Imperio Romano d'Orient.

Manimenos proposó a lo cheneral hispano Flavio Teodosio como gobernador d'a partita oriental de l'imperio y fue coronato emperador o 19 de chinero de l'anyo 379.

Ye mencionato en a traducción aragonesa de "Historia Romana" acomandata por Chuan Ferrández d'Heredia:

En el anyo de la edificación de la Ciudat .MCXVIII. Valentinián .XXXVIII. [emperador] nascido de Pannonia Cibalén, como(a) fués tribún de los scutarios enta Nicena(b), clamado Agusto tomó su hermano Valient en Costantinoble en comunión del regno. Su padre de aquesti, Gracián, nascido de migancero linage, fué clamado funerari et corder envés Cibalas por que, como el portás una cuerda, .v. cavalleros no gela pudieron tirar. Et por aquel mérito(c) clamado a cavalleria puyó dentro en el poder de la perfectura pretoriana, por el laor del qual envés los cavalleros fué dado el Imperio a Valentinián, el qual diús Julian Agusto, co /f. 67r/ mo portás en sí la fe entrega de christiandat, como hera tribun de los escutarios, axí como es dicto, fuele mandado por el emperador sacrílego(d) que o sacrifició a los ýdoles o que dexás cavalleria. El qual de buen grado la dexó et no l'aguca mucho que, matado Julian et muerto Jovinián, Valentinián(e), el qual por el nombre de Iehsu Christo havía per-dido el tribunado, el lugar del suyo persegidor(f) recibiió el Imperio. El qual, como ya en el .III. anyo rigiés el Imperio ab Valient su hermano, por prigos de su suegro et de la mugier, creá(g) Agusto su fiio Gracianno encara bien pubre. En aquel anyo envés Atrebatas [ho Artes] vera lana mesclada ab agua cayó de las nuves et en costantinoble cayó granizo [o piedra] de maravellosa grandaría et mató algunos hombres. En aquellos días envés Costantinoble Procopius faziendo tiranýa fué matado envés Frigia(h) et muchos de la suya part o fueron taiados o exilados o punydos. En aquesti tiempo facta terratremol por todo el mundo et la mar exió fuera de sus términos, que las ciudades de Cicilia [muchas] et de muchas islas percudidas et derroquadas opremieron et mataron muchos pueblos. Entretanto Valent fué bateado por Eudoxio(i) bispe de la heretgia arriana et cayó en aquella heretgia [de los arians] et esforcandose de perseguir los christianos fué retraydo por actoridat del hermano. En aquella tempestat Athanaric rey de los Gots persiguió los christianos mucho cruelment et los promovió aver corona de martiria. Valentinián oprimé la gent de los Saxons, la qual habitava en ribera et en poludes de la mar occeano (fué gent terrible de la virtut et sagería, la qual gastava los encontradas Romanas), et más de .LXXX.M. Burgunyóns Armals, los quales se assentaron en ribera de Reno fluvio, los quales aprés poco de tiempo fueron factos christianos. Entretanto Valent en Bretanya antes que esvesís tiranía fué oprimido. Et Valentinián en el .VI. anyo del su Imperio, con los Sarmats corriesen por Pannonia et la gastasen, aparellando batalla contra ellos, dementre /f. 67v/ envés Brigacion ciudat de los Squados respusiés a una legación, en el anyo de la suya hedat .LV. por sobsa efusión de sangre los quales los Griegos claman apoplexía, perdida la paraula más en todo su seso, murió. La qual cosa segunt que algunos dixieron se esdevino por la intemperancia et excesiva saturitat [de viandas]. Et fué excellent emperador, ab cara convinient, prudent et en en-genio asseýdo et greve et pesant en el corage et en costumbres, ornado bien de bella perlaría, ya se que fués mucho amesurado de parlar. Fué rigoroso persegidor de vicios et mayorment huvo rigor de avaricia. Empero algunos la suya excesiva tempranca et mesura interpretavan crueldat et avaricia. Fué(l) semblant en costumbres a Aurelián, fué agro en aquellas cosas que dictas he et fué proisme Adrián. Pintava(m) mucho bellament, excogitava no-vellas armas, fenyía ab cera o ab lim ymagens o ýdoles, prudelment usava en lugar et en tiempo de fablar. Et por aquesto que breument conclua, si el freiturás de malos hombres et ssuzios a los quales se era dado así como a molt(n) feels et prudentes, sins dubta el fuera estado perfecto príncipe.

Vinclos externos[editar | modificar o codigo]


Predecesor:
Valentinián I
Emperador de l'Imperio Romano d'Occident
375-383
Succesor:
Teodosio I Valentinián II