Georgi Zhukov
| Georgi Konstantinovich Zhukov Гео́ргий Константи́нович Жу́ков |
|
|---|---|
| 1 d'aviento de 1896 - 18 de chunio de 1974 | |
 O mariscal Georgi Zhukov , en una imachen d'o 5 de chunio de 1945, en zaguerías d'a Segunda Guerra Mundial. |
|
| Información personal | |
| Embotada | |
| Puesto de naixencia |  Strelkovka (Kaluga, Imperio ruso, hue Rusia) |
| Puesto de muerte |  Moscú (Unión Sovietica, hue Rusia) |
| Información melitar | |
| Leyaltat | Exercito ruso (Imperio ruso) Exercito Royo (Unión Sovietica) |
| Anyos de servicio | 1915-1957 |
| Rango | Mariscal |
| Mandos | |
| Unidat | |
| Batallas/guerras | Primera Guerra Mundial Guerra Civil Rusa Guerra de mugas sovietico-chaponesa Batalla de Khalkhin Gol Segunda Guerra Mundial Guerra d'Hibierno Setio de Leningrado Batalla de Moscú Batalla de Stalingrado Batalla de Kursk Operación Bagration Batalla de Berlín |
| Premios | Heroe d'a Unión Sovietica |
| Atras funcions | Menistro d'Esfensa d'a Unión Sovietica |
Georgi Konstantinovich Zhukov (Гео́ргий Константи́нович Жу́ков en ruso y alfabeto cirilico), naixito de Strelkovka, hue dita Zhukov en a suya honor (Kaluga, Imperio ruso, hue Rusia) l'1 d'aviento de 1896 y muerto en Moscú (Unión Sovietica, hue Rusia) o 18 de chunio de 1974, estió un melitar y politico ruso d'ideyolochía comunista.
En a suya faceta de melitar, partecipó con o Exercito ruso d'o Imperio ruso en a Primera Guerra Mundial, t'adhibir-se dimpués a o Exercito Royo sovietico partecipando en a Guerra Civil Rusa. Continó dimpués a suya carrera melitar, partecipando en as luitas con l'Imperio chaponés en as mugas de Siberia y Mongolia con Manchukúo (Guerra de mugas sovietico-chaponesa), destacando-ie a suya victoria sobre l'Exercito chaponés en a Batalla de Khalkhin Gol, a on se fació conoixito en estar una important redota chaponesa que remató con as luitas continas en a muga. Mientres a Segunda Guerra Mundial, partecipó en primeras en a Guerra d'Hibierno con Filandia y dimpués, dende a invasión de Rusia por o Tercer Reich en a Operación Barbarroya, estió o chefe d'a esfensa d'a ciudat de Leningrado mientres o Setio de Leningrado, ganando-ie una reputación que fació que manase dimpués, en aviento de 1941, as tropas sovieticas mientres a batalla de Moscú. Por as suyas victorias, mandó as tropas rusas en a batalla de Stalingrado en zaguerías de 1942, a on desembolicó una importantisma victoria que fació reblar a la Wehrmacht. Dica rematar a guerra, mandó tropas de l'Exercito Royo en destacatas accions melitars, como a batalla de Kursk, a Operación Bagration u a batalla de Berlín, a zaguera batalla en o Frent Oriental.
Antiparte, en a suya faceta de politico, estió Menistro d'Esfensa d'a Unión Sovietica en 1955-1957 mientres o Gubierno de Nikolai Bulganin. Entre muitas atras honors melitars, fue nombrato Heroe d'a Unión Sovietica.
Vinclos externos [editar]
Se veigan as imáchens de Commons sobre Georgi Zhukov.
| Predecesor: mariscal Nikolai Bulganin |
Menistro d'Esfensa d'a Unión Sovietica 9 de febrero de 1955 - 26 d'octubre de 1957 |
Succesor: mariscal Rodion Malinovsky |
