Genetta genetta
| Genetta genetta | |
|---|---|
.JPG) |
|
| Denominacions populars | |
|
|
|
| Estato de conservación | |
 Seguro (IUCN) |
|
| Clasificación scientifica | |
|
|
Animalia |
|
|
Chordata |
|
|
Mammalia |
|
|
Theria |
|
|
Carnivora |
|
|
Viverridae |
|
|
Genetta |
|
|
G. genetta |
| Descripción | |
|
Linné, 1758 |
|
| Destribución cheografica | |
 |
|
A chineta (Genetta genettta(Linné, 1758)) ye una especie de mamifero d'a orden d'os carnivora y d'a familia viverridae que se distribuye por buena part d'Africa y en part d'a Peninsula Arabica, considerando-se introdueito en a Peninsula Iberica, resta d'Europa suroccidental y Balears. Antesmás consideraban adintro d'a especie Genetta Genetta només que as poblacions autoctonas de Berbería y as introdueitas en Europa y Balears, actualment bi ha tendencia a considerar adintro d'una sola especie tamién as poblacions subsaharianas d'especies de chinetas que enantes consideraban d'atras especies[1] y d'Arabia. As 30 subespecies descritas no tienen una valideza segura.
Contenius |
[editar] Zoonimia
En aragonés o zoonimo predominant pa esta especie ye cheneta u chineta, d'alcuerdo con a fonetica aragonesa y as que cabrían esperar en comparanza a las luengas vicinas. En a "Gran Enciclopedia Aragonesa" mencionan a forma tremostela propia de l'aragonés grausín, pero ye una probable error porque Rafael Vidaller Tricas troba tremostela y tremustela como denominacions d'a paniquesa Mustela nivalis en aragonés baixorribagorzán, y tremostela se relaciona etimolochicament con a traza de dicir "paniquesa" en latín, catalán y parlas aragonesas mugants con o catalán.
[editar] Orichen d'as poblacions introdueitas en Europa
Existe a creyencia que fue introdueita dende Africa en o periodo d'Al-Andalus (Edat Meya musulmana), por os arabes y berbers, dende on s'ixemendaría dica as compleganzas d'o Roine y o Loira. Manimenos bi ha habito un trafico maritimo intenso dende muito enantes como pa considerar a introducción muito anterior. En o chacimiento de La Grotte de Las Morts (Montségur) han trobato una mandibula de chineta calendata en a Edat de Bronze.[1] Os romans teneban chinetas como mascotas en as suyas casas enantes que os gatos domesticos fuesen introdueitos dende Echipto. Ye posible que fuese introdueita en as Islas Balears en tiempos d'os romans, bi ha constancia que en tiempos de César Augusto fue introdueito un misterioso animal dito ictis pa combatir una plaga de conillos.
[editar] Referencias
- ↑ 1,0 1,1 Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9
[editar] Bibliografía
- Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9
[editar] Vinclos externos
Se veigan as imáchens de Commons sobre Genetta genetta.
Biquiespecies tiene un articlo sobre Genetta genetta.
