Garza

De Biquipedia

Garza
Garza (Pica pica)
Estato de conserbazión
Seguro.
Clasificazión zentifica
Dominio: Eukaryota Reino: Animalia Filo: Chordata Clase: Aves Orden: Passeriformes Familia: Corvidae Chenero: ''Pica'' Espezie: ''P. pica''
Nomenclatura binomial
Pica pica
Linnaeus, 1758

A garza u picaraza (Pica pica (L., 1758)) ye un muixón d'a familia d'es corbidos con a capeza, coda e patas carauteristicament de color negra, á mientres que ro bientre el tien de color blanca. A coda ye también singularment lierga.

Garza bolando.

As plumas d'a suya coda e alas pueden manifestar brilluras azulencas u berdes pendiendo d'a luz. As alas son curtas e arrondoladas per as ripas. Tien un carauteristico crito que diz cha-cha-cha-cha, que en es pollez se manifiesta més como á chilo. Per tanto, son d'es pocos corbidos que no grallan.

Ye un muixón prou fazil d'identificar e muito abundant. Se puet trobar d'a Peninsula Iberica ta l'Extremo Orient, con poblazions encara en America d'o Norte d'una sozespezie semilar, e también en o norte d'Africa. As suyas midas penden d'entre es 40 e es 45 cm de lonchitut, plegando enta 60 cm d'amplaria d'as alas.

Una d'as trazas més coneixitas d'es masclos d'istes animals ye ra suya felera de cullir obchetos brillants en l'epoca de zelo suyo, emplegando-los ta rondar as fembras con ers. También els ponen en o suyo niedo, que ye carauteristicament redondo, feto con un terainato de brancas e palos.

[editar] Tribialidaz

En l'Alto Aragón, sobre tot d'entre ra chent de més edat, encara s'emplega ra parola "garza" como á piropo ta desinnar cuan una muller ye berroya. Isto amuestra l'apreziazión que en a cultura aragonesa se n'ha feto d'istes muixons, més atenzada per as suyas colors e plomas que no per altras trazas d'a suya conduita, e resulta curioso si se contripara con altros puestos d'España, á on istes animals son muito consideratos á mal.

[editar] Dibersidat

Autualment es ornitologos ne destinguen á sabelas sozespezies á redol d'o mundo. As prenzipals se pueden beyer en o siguient mapa.

Poblazións de Pica pica en o mundo. Berde: Pica p. pica, Berde claro: P. p. asirensis, Berde mazana: P. p. bactriana, Royo: P. p. bottanensis, Berde fosco: P. p. fennorum, Azul: P. p. galliae, Torquesa: P. p. germanica, Amariello: P. p. hemileucoptera, Bioleta: P. p. hudsonia, Marrón: P. p. jankowskii, Narancha claro: P. p. japonica, Azul fosco: P. p. kamtschatica, Rosa claro: P. p. leucoptera, Narancha: P. p. mauritanica, Azul claro: P. p. melanotos, Rosa: P. p. nuttalli, Royo fosco: P. p. sericea