García Ennéguiz de Pamplona
| García Ennéguiz de Pamplona | |
|---|---|
| Rei de Pamplona y de Sobrarbe | |
|
|
|
| 842/852 - 870 | |
| Predecesor | Enneco Ariesta |
| Succesor | Fortún Garcés |
|
|
|
| 870 - 885 | |
| Predecesor | Enneco Ariesta |
| Succesor | Fortún Garcés |
|
|
|
| Naixencia | 805? |
| Muerte | 870 |
| Conchuche/s | Oria Urraca Ximénez |
| Pai | Enneco Ariesta |
| Mai | Enneca |
García Ennéguiz (u García I Ennéguiz de Pamplona), en arabe قرسية بن ونقه البشكنشي, Garsiya ibn Wannaqo al Baškuniši, naixito arredol de 805 y muerto en 870, estió un rei de Pamplona, rechent d'o reino dende 842, y rei tetular dende 852.
Contenius |
[editar] Orichens familiars
García Ennéguiz yera fillo d'o rei Enneco Ariesta y d'Enneca, filla de Velasco de Pamplona. Por o suyo pai yera nieto d'Onneca, casata en segundas nupcias con o Banu Qasi Musa Ibn Fortún de Tudela, por o que García Ennéguiz s'educó en Cordoba, a seu d'o Emirato de Cordoba d'al-Ḥakam I ibn Hishām.
[editar] Rechent d'o reino
En 841, una malautia dixa a o suyo pai parlaticato, y García Ennéguiz asume en 842 a rechencia d'o reino y afronta asinas as suyas campanyas melitars. Asinas, en mayo de 843 aduya a o Banu Qasi Musa Ibn Musa al Qasaw (u Musa II) en a suya revuelta contra l'emir de Cordoba. Asinas, en chunio d'ixa mesma anyada, as tropas de l'emir Abderramán II dentran en o territorio d'os rebels y redotan a Musa y a o suyo aliato García Ennéguiz, y piden a l'emir l'amman (u paz).
[editar] Rei de Pamplona
Dende a muerte d'o suyo pai en 852, García Ennéguiz yera o rei tetular d'o reino de Pamplona. En 859, una expedición vikinga puyó por l'Ebro dica Pamplona y fació preso a García Ennéguiz, obligato a pagar rescate ta lograr a suya liberación.
[editar] Cambeyo d'a politica d'alianzas tradicional
Dende iste succeso, cambeó a suya politica d'alianzas, albandonando l'antiga alianza con os Banu Qasi, que se facioron aliatos plenos de l'emirato de Cordoba, ta acostar-se a o reino d'Asturias. Asinas, en 859 as tropas pamplonesas y asturianas d'Ordonyo I redotoron a las tropas de l'emirato en a batalla d'Albelda (u batalla de Clavijo), que trencó a supremacía d'os Banu Qasi en a rechión.
Sindembargo, una espedición de castigo d'os cordobeses de Mohamed I de Cordoba fació preso a Fortún Garzés, engarcholato por más de 20 anyadas en Cordoba, dica 10 anyadas dimpués d'a muerte de García Ennéguiz en 870.
Antiparte, ye fácil que como expresión d'a nueva politica d'alianzas, mintras o suyo reinato s'asentoron as bases d'una nueva ruta de pelegrinación relichiosa, ta Compostela en Galicia, o clamato Camín de Sant Chaime.
[editar] Matrimonios y fillos
En 858, mientres yera vichent a suya alianza con os Banu Qasi, casó con Oria (u Leodegundis), filla de Musa ibn Musa ibn Fortún. Dimpués casó con Urraca Ximénez d'Aragón.
Os suyos fillos estioron:
- Fortún Garcés, casato con Oria.
- Sancho Garces de Pamplona.
- Ximena de Pamplona, casata con o rei d'Asturias Alifonso III.
- Velasquita Garcés.
| Predecesor: Enneco Ariesta |
Rei de Navarra 842/852 - 870 |
Succesor: Fortún Garcés |
| Predecesor: Enneco Ariesta |
Rei de Sobrarbe 870-885 |
Succesor: Fortún Garcés II |
