Ganalón

De Biquipedia
Ir ta: navego, busca

Ganalón ye un presonache de la leyenda de Roldán con papel de trickster u d'inductor de desgracias. En la batalla de Roncesvals quan Carles Magno creyó sentir l'olifant de Roldán demandando aduya, Ganalón lo convence de que no tien importancia. Asinas l'exercito de Roldán se quedó sólo y Roldán muere en combate.

Por la etimolochía corresponde a Guanius de la mitolochía bretona, a Gwinn Ab Nudd de la mitolochía galesa y Finn Mac Cumal de la mitolochía irlandesa. Por lo que pareix ye un presonache de la mitolochía celta, y en concreto bretona, preso en relato que s'escribió en un contexto cristián on se demonizaban los elementos de las antigas relichions paganas, en concreto este presonache que tien relación con lo mundo de los muertos.

Atras varians que prene lo nombre en diferents luengas ye Ganelón y Guenes. En aragonés medieval ye mencionato en a "Cronica de los Conquiridors" como Ganalon, (u Guanalon d'alcuerdo con un costumbre grafico que se troba a sobent en textos medievals d'escribir a letra g como gu):

La ora el emperador Karles, es a saber el anyo de Nuestro Senyor DCCCV , del imperio suyo el anyo V, a LXIII anyos de su edat, a XIII anyos del pontificado del papa Leon III , decebido el emperador por el fiero et cruel traydor, tomo aquel mal camino conel arcobispo Turpino et con Ganalon impiadoso traydor et con todas las copias del exercitu por passar los puertos Ciseros, et que recibiesse con grant honor los reyes Marsil et Beligando qui venian a el con lures gentes
Et ellos, auido el mandamiento del emperador, con XX mil delos suyos, fueron sende en Roncesualles et leuaron consy aquel vino marauelloso et las mulleres moras que Guanalon auia leuado : et como ellos estassen alli en grant reposo et occiosidat, algunos del exercitu, non pero delos mayores, mesclaron se con las Moras, por el qual aiuntamiento fueron fechos menos potentes ; pero los principes se guardaron de vsar conellas, mas delectandose enel vino qui era dolç, et sabroso siruian muchas vegadas ala embriagueza et turbacion del vino. Et como los reyes Marsil et Beligando supiessen aquellas cosas por vn missagero secreto qui les enuio Guanalon, pusieron se en celada secretament enlos montes et enlas valles con L mil Moros esleydos,