Gallur

De Biquipedia

Gallur
{{{imachen}}}
Comunidat autonoma	Aragón
Probinzia	Zaragoza
Redolada	Ribera Alta de l'Ebro
Codigo postal	50650
Superfizie	41,70 km²
Altaria	254 m.
Distanzia	50 km enta Zaragoza
Poblazión	2.921 ab. (2007)
Chentilizio	{{{chentilizio}}}
Ríos	Ebro
Pachina web	www.gallur.es

Gallur ye un monezipio de a probinzia de Zaragoza, situato en a redolada de a Ribera Alta de l'Ebro. A suya poblazión ye de 2.921 abitants (2007), en una superfizie de 41,70 km² y una densidat de poblazión de 70,05 ab/km².

Contenius 1 Cheografía 2 Istoria 3 Toponimia 4 Almenistrazión 4.1 Alcaldes 5 Fiestas 6 Enrastres esternos 7 Referenzias

[editar] Cheografía

Ye situato en materials cuaternarios de l'Ebro, en a marguin dreita y entre l'Ebro y a Canal Imperial d'Aragón. Representa una cruzillata de camins naturals y carreteras.

Gallur ye á una distanzia de 50 km de Zaragoza, a capital d'a suya probinzia y d'Aragón. O suyo termín monezipa muga á o norte con Taust (en as Zinco Billas); á l'este con Pratiella d'Ebro y Boquiñeni; á o sur con Magallón (en o Campo de Borcha); y á l'ueste con Magallón y Mallén, toz dos en o Campo de Borcha.

[editar] Istoria

Gallur puet estar, seguntes bels istoriadors, l'antiga ziudat prerromana de Forum Gallorum, construyita ta arreplegar os pueblos zeltas d'a redolada. Ta la mayor parte d'istoriadors, sin d'embargo, Forum Gallorum ye l'autual Gurrea de Galligo.

Seguntes Agustín Ubieto Arteta, a primera zita decumentada d'o lugar, que aparixe con os nombres de Gallur, Gallurr, Galur, Galurr y Galurre, ye en 1125, en l'articlo de José María Lacarra Documentos para el estudio de la reconquista y repoblación del valle del Ebro, en Estudios de Edad Media de la Corona de Aragón, Zaragoza (1946).^[1]

L'orichen de o lugar ye l'antigo castiello, ya desaparexito, de o sieglo XII.

[editar] Toponimia

Esisten dos esplicazions d'o nombre que no son incompatibles.

En o termino monezipal de Gallur se trobó un bronze que menzionaba a celebración d'uns chuegos en un pago de os galos, pagus Gallorum. O Pagus feba referenzia a una agrupación umana intermeya entre a familia y a tribu y, a o tiempo, circunscripzión territorial.

L'escudo d'armas de o castiello desaparexito teneba un gallo, y seguntes a falordia se creye que por ixo o lugar prene este nombre. Sin d'embargo, ye fázil que l'escuto siga una adaptazión á partir d'o nombre.

En charrar baturro a begatas Gallur puede pronunziar-se Gallud.

Bi ha un microtoponimo d'orichen aragonés, Puñigré, que ye deformazión de Pui Negret e s'escribiba latinizato como Podium Negret en 1132.

[editar] Almenistrazión

[editar] Alcaldes

Lista d'alcaldes

Lechislatura	Nombre	Partito politico
1979–1983	José Luis Adiego	Independient
1983–1987	José Luis Zalaya	Partido Socialista Obrero Español
1987–1991	José Luis Zalaya	Partido Socialista Obrero Español
1991–1995	José Luis Zalaya	Partido Socialista Obrero Español
1995–1999	José Luis Zalaya	Partido Socialista Obrero Español
1999–2003	José Luis Zalaya	Partido Socialista Obrero Español
2003–2007	Antonio Luciano Liz Gaspar	Chunta Aragonesista
2007–2011	Antonio Luciano Liz Gaspar	Chunta Aragonesista

[editar] Fiestas

• Catedra de San Pietro, 22 de febrero.
• San Antón de Padua, 13 de chunio.
• San Per Apóstol, 29 de chunio.

[editar] Enrastres esternos

• Pachina web ofizial.

[editar] Referenzias

1. ↑ (es) Ubieto Arteta, Agustín: Toponimia aragonesa medieval, Balenzia 1972.