Galacho

Iste articlo ye sobre os galachos fluvials. Ta atros emplegos se veiga galacho (cheolochía)

Galacho de Chuslibol.

Anvista aeria d'un galacho en Escandinavia.

Galacho ye como se diz a un antigo meandro albandonato en os lugars a man d'on pasa l'Ebro, mantenendo un aragonesismo que en atros lugars significa qualsiquier sulco erosivo esgarrapato por l'augua u os achents cheolochicos.

Ye un espacio natural a saber-lo d'intresant por valors cheolochicos y biolochicos:

• Se i puet veyer l'actividat cheolochica de colmatación d'un laco, lacuna u brazo de río con materials lutiticos que leva l'Ebro y materials organicos.
• Ye un puesto con selvas de ribera y zonas humidas a on viven especies d'augua dulce que no son guaire comuns en as zonas semiaridas d'a Val de l'Ebro.

Muitos galachos de l'Ebro en Aragón son espacios protechitos, como o galacho de l'Alfranca u o galacho de Chuslibol.