Göran Persson
| Göran Persson | |
|---|---|
 |
|
|
|
|
| 22 de marzo de 1996 – 6 d'octubre de 2006 | |
| Naiximiento | 20 de chinero de 1949 Vingåker (Södermanland) |
| Partito | Partito Socialdemocrata de Suecia |
| Conchuche | Gunnel Claesson (1978-1985, esvurcio) Annika Barthine (1995-2002, esvurcio) Anitra Steen (2003- ) |
Hans Göran Persson ([ˈʝœːran ˈpæːʂɔn]) , naixito de Vingåker (Södermanland) o 20 de chinero de 1949, ye un politico sueco, que estió o primer menistro de Suecia dende o 22 de marzo de 1996 dica o 6 d'octubre de 2006. Ye melitant d'o Partito Socialdemocrata de Suecia, amás de miembro de l'Asociación Sueca de Cristians Socialdemocratas, por as suyas conviccions relichiosas.
Estió amás menistro d'Amostranza (1989-1991) y menistro de Finanzas (1994-1996).
[editar] Carrera politica
Naixito d'una familia de clase obrera, estudeó Sciencias Socials en a Universidat d'Örebro.
Estió melitant d'a chovenalla d'o Partito Socialdemocrata de Suecia y consellero en Katrineholm, antis d'estar en 1979 deputato en o Riksdag (o Parlamento de Suecia).
Entre 1989-1991 estió menistro d'Amostranza en o Gubierno d'o primer menistro Ingvar Carlsson; entre 1994-1996 estió menistro de Finanzas en atro Gubierno de Carlsson. Destacó por as suyas mesuras economicas, que permetioron a dentrada de Suecia en a Unión Europea.
Esleito president d'o suyo partito ta suceder a Mona Sahlin en 1996, completó o mandato gubernamental, ta obtener a victoria en as eleccions chenerals de 2002. Sindembargo, fue redotado en as eleccions de 2006 por os conservadors de Fredrik Reinfeldt. Albandonó o cargo de president d'o partito, succedito por Mona Sahlin en o Congreso d'o suyo partito en Estocolmo o 17-18 de marzo de 2007.
| Predecesor: Ingvar Carlsson |
Primer menistro de Suecia 1996-2006 |
Succesor: Fredrik Reinfeldt |
| Predecesor: Bengt Göransson |
Menistro d'Amostranza de Suecia 1989-1991 |
Succesor: Beatrice Ask |
| Predecesor: Anne Wibble |
Menistro de Finanzas de Suecia 1994-1996 |
Succesor: Erik Åsbrink |
